بۇگىن الماتى قالاسىندا ق ر ۇلتتىق كىتاپحاناسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا دەپۋتاتتار بەرگەن تۇزەتۋلەردى قاراۋ بويىنشا جۇمىس توبىنىڭ وتىرىسى وتكىزىلدى،- دەپ حابارلايدى Qamshy.kz ءتىلشىسى.  

ەنگىزىلىپ وتىرعىن تۇزەتۋلەر مادەنيەت جانە رۋحانيات سالاسىنداعى ءبىرقاتار ماسەلەلەرگە باعىتتالعان. اتاپ ايتقاندا، بۇل اۆتورلاردى قولداۋ، قوعامدىق ماڭىزى بار ادەبيەتتەر شىعارۋ جانە وسى تۋىندىلاردى ءاربىر مەملەكەتتىك كىتاپحاناعا جەتكىزۋ؛ سونداي-اق مەملەكەتتىك  ساتىپ الۋ تەتىگىن جەتىلدىرۋ؛ تەاترلاردىڭ، كىتاپحانالاردىڭ جانە وزگە دە مادەنيەت ۇيىمدارىنىڭ قىزمەتى ءۇشىن جاعدايلاردى جەتىلدىرۋ جانە باسقا دا ماسەلەلەر قاراستىرىلدى.

وتىرىس جۇمىسىنا پارلامەنت ءماجىلىسى ءتوراعاسىنىڭ ورىنباسارى گۇلميرا يسيمبايەۆا، الەۋمەتتىك –ءمادىني دامۋ كوميتەتىنىڭ حاتشىسى بەيبىت مامرايەۆ، پارلامەنت ءماجىلىسىنىڭ دەپۋتاتتارى، مادەنيەت جانە سپورت ۆيسە –ءمينيسترى اقتوتى رايىمقۇلوۆا، الماتى قالاسى اكىمىنىڭ ورىنباسارى ارمان قىرىقبايەۆ، ادىلەت، قارجى، ءبىلىم جانە عىلىم مينيسترلىكتەرىنىڭ وكىلدەرى، ساراپشىلار، قوعام قايراتكەرلەرى، شىعارماشىلىق وداقتارىنىڭ جانە مەملەكەتتىك مادەنيەت ۇيىمدارىنىڭ باسشىلارى، پارلامەنتكە كىرمەگەن ساياسي پارتيالاردىڭ، قوعامدىق بىرلەستىكتەردىڭ، ۇكىمەتتىك ەمەس ۇيىمداردىڭ جانە ب ا ق وكىلدەرى قاتىستى.

 زاڭ جوباسى الەۋمەتتىك –مادەني  دامۋ كوميتەتىنىڭ قىزمەتى شەڭبەرىندە قارالدى.