ەرتەڭ - قاراشانىڭ ءبىرىنشى كۇنى. سەبەبىن بىلمەدىم، ءبىراق سوڭعى جىلدارى قاراشا ايىندا بيلىك جاڭا جىلعا دايىندالا باستايدى. ءار قالانىڭ دۇكەندەرىنە، جانارماي بەكەتىلەرىنە، ساۋدا ورتالىقتارىنا اۋداندىق اكىمدىكتەردەن «قاراشانىڭ اياعىنا دەيىن شىرشا قويىندار، جاڭا جىلعا دايىندالا بەرىڭدەر» دەگەن بۇيرىق كەلەدى. اۋداندىق اكىمدىكتەرگە ارينە قالالىق اكيماتتاردان وسىنداي بۇيرىق بەرىلەدى، ال، ولارعا - استانادان، ىشكى ساياسات بولىمىنەن سونداي بۇيرىق كەلىپ جاتادى.

مەنىڭشە، بيىل بۇنداي جامان ادەتتى توقتاتۋ كەرەكپىز. بيىل مەملەكەتىمىزدىڭ تاۋەلسىزدىگىنە 25 جىل تولادى. جەلتوقسان وقيعاسىنا 30 جىل، جاڭاوزەن مەن شەتپە وقيعاسىنا 5 جىل تولادى. قايداعى شىرشا قاراشادا؟ مەيلى، جاڭا جىل بولماسىن دەمەيمىز، بولسىن. ءبىراق الدىمەن وسى كۇندەردى دۇرىستاپ وتكىزەيىك. سوسىن بارىپ جاڭا جىلعا 10 كۇن قالعاندا دايىندالىپ تا ۇلگەرەرمىز.

پرەزيدەنت اكىمشىلىگىنە، ۇكىمەتكە، قازاقستاننىڭ بارلىق اكىمدىكتەرىنە وسىنداي ۇسىنىسىم بار. ويلانىڭىزدار!

مۇحتار تايجاننىڭ فەيسبۋكتەگى پاراقشاسىنان الىندى