33 جاستاعى ايدا ايساروۆا ءوزىنىڭ 11 ماۋسىم كۇنى تاكسيدە زورلانعانىن جانە ەسىنەن تانىپ قالعانىن پايدالانعان تاكسي جۇرگىزۋشىسى 158 مىڭ تەڭگە اقشاسىن ۇرلاپ كەتكەنىن ايتىپ وتىر، - دەپ حابارلايدى Qamshy.kz informburo.kz – كە سىلتەمە جاساپ.

الماتىدا باسپا ءسوز ءماسليحاتىن وتكىزگەن جابىرلەنۋشى مەن قورعاۋشىلار اتالعان ءىستى تەرگەۋدە پوليسيا ورگاندارىنىڭ قۇلىقسىزدىق تانىتىپ وتىرعانىن ايتادى.

بەس جاسار ۇلىن جالعىز تاربيەلەپ وتىرعان 33 جاستاعى انا ايدا ايساروۆا 11 ماۋسىم كۇنى جىگىتىمەن سوزگە كەلىپ، ۇرىس-كەرىس كەزىندە ەسىنەن تانىپ قالادى. تانىستارى ونى ەسىن جيعان سوڭ تاكسيگە سالىپ جىبەرەدى. الايدا، ايدا تاكسيگە وتىرعان سوڭ تاعى دا ەسىنەن تانىپ قالادى. تاكسيشى دە وسىنى پايدالانىپ، جولاۋشى قىزدى زورلاپ، وزىمەن بىرگە الىپ كەلە جاتقان اقشاسىن دا قاعىپ كەتكەن.

وسى وقيعادان كەيىن ايدانىڭ ەسىنەن تانىپ قۇلاۋى جيىلەگەن.

«پسيحولوگيالىق تراۆما ونىڭ يممۋندىق جۇيەسىنە اسەر ەتكەن. مۇنداي پسيحوسوماتيكالىق جاعداي ودا ءار تەرگەۋ كەزىندە بولىپ ءجۇر. الايدا، اۋداندىق ءىىب –دەگىلەر بىردە-بىر رەت دارىگەر شاقىرماعان، تەرگەۋ كەزىندە پسيحولوگتىڭ كومەگىنە جۇگىنبەگەن»، - دەيدى #ۇندەمەيمىزKZ (#نەمولچيKZ) ۇلتتىق قوزعالىسىنىڭ بەلسەندىسى دينا سمايلوۆا.

بەتتەستىرۋ كەزىندە جابىرلەۋشىنى تانىعانىنا قاراماستان پوليسيا تەك «توناۋ» بابى بويىنشا عانا ءىس قوزعاعان. ال، زورلاۋ تۋرالى بىردە-بىر رەت ءسوز بولماعان كورىنەدى.

بىرنەشە جىل بۇرىن كۇيەۋىمەن اجىراسىپ، بالاسىن جالعىز تاربيەلەپ وتىرعان جابىرلەنۋشى «گۋم» ساۋدا ورنىندا ساتۋشى-كەڭەسشى بولىپ جۇمىس ىستەيتىن كورىنەدى. اناسىنىڭ ناۋقاستىعىن، اكەسى جاقىندا كوز جۇمعانىن ايتقان ايدا باسىنداعى جاعداي تۋرالى تۋىستارىنا ايتپاي كەلگەن. وعان ءبىر اعاسىنىڭ جاقىندا ينفاركت الۋى دا سەبەپ بولعان.

«تۇركسىب اۋداندىق ىىب-دە ءىستى سوزىپ جاتىر. وسىمەن ءۇشىنشى تەرگەۋشى اۋىستى. ولاردىڭ بارلىعى دا ايدا تاكسي جۇرگىزۋشىسىمەن ءوز ەركىمەن جىنىستىق قاتىناسقا تۇسكەنىن ايتقىزعىسى كەلەدى، ءوزىن كىنالى ەتەمىز دەپ قورقىتادى. ونىڭ مەكەن-جايى جابىرلەگەن ازاماتقا دا پوليسيا ايتىپ بەرگەن»، - دەيدى دينا سمايلوۆا.

ءقازىر ا. ايساروۆا باس پروكۋروردىڭ اتىنا اشىق حات جازىپ، ودان پوليسيا قىزمەتكەرلەرىنىڭ جۇمىسىن باقىلاۋعا الۋدى سۇراپ وتىر.