ەنەرگەتيكا ءمينيسترى بوزىمبايەۆ قازىرگى كەزدە ەلىمىزگە يمپورتتىق جانارماي كوپتەپ كەلىپ جاتقانى تۋرالى ايتتى. رەسەيدە جانارماي باعاسى قازاقستانعا قاراعاندا قىمباتتاۋ بولعاندىقتان، ەكى ەلدىڭ جانارماي باعاسىنىڭ نارىقتاعى ۇلەستەرى قۇبىلمالى بولىپ تۇر. كوپتەپ شىعارىلا باستاعان جاعدايدا جانارماي باعاسى ون كۇن شاماسىندا قالپىنا كەلمەك. بۇل تۋرالى قانات بوزىمبايەۆ ۇكىمەت وتىرىسىنىڭ قورىتىندىسىنا ارنالعان باسپا ءسوز كونفەرەنسياسىندا ايتتى. 

«اي-92 ماركالى جانارماي باعاسى ءسال قىمباتتادى. بۇعان قاتىستى ءۇش ماسەلە بار. ءبىرىنشىسى – شىمكەنت مۇناي زاۋىتى ءقازىر كۇردەلى جوندەۋدەن وتكىزىلۋدە. ونى 12-قاراشادا سكە قوسۋ جوسپارلانعان. بۇل كۇردەلى جوندەۋ قايتا جاڭعىرتۋ اياسىندا جۇرگىزىلۋدە، سەبەبى زاۋىتتا قاجەتتى جاڭا قۇرىلعىلار ىسكە قوسىلىپ جاتىر. زاۋىت ىسكە قوسىلعان سوڭ اي-92 ماركالى جانارماي كوبىرەك شىعارىلاتىن بولادى. بۇل ونىڭ باعاسىنا ءوز اسەرىن تيگىزەدى دەگەن ويدامىن»، – دەپ مالىمدەدى بوزىمبايەۆ.

ونىڭ ايتۋىنشا، 20 كۇن بۇرىن جانارماي شىعاراتىن پاۆلودارداعى مۇناي حيمياسى زاۋىتىندا تەحنولوگيالىق بۇزۋشىلىق ورىن العانى تۋرالى دا مالىمدەدى. تيىسىنشە، بۇل جەردە دە جوندەۋ جۇمىستارى جۇرگىزىلگەن.

«زاۋىت 2-3 كۇننىڭ ىشىندە ىسكە قوسىلسا، جوعارى وكتاندى جانارماي قازىرگىدەن تومەن، ءوزىنىڭ باعاسىمەن كوبىرەك شىعارىلىپ، ەسەسىنە نارىققا دا كوبىرەك كەلەتىن بولادى. سوندا جانارماي نارىعىنداعى باعا رەتتەلەدى»، – دەدى ق.بوزىمبايەۆ.