«قامشى» پورتالى مەن «قازاقستان» ۇلتتىق تەلەارناسى ەل تاۋەلسىزدىگى مەن «قازاق كوشىنىڭ» 25 جىلدىعىنا وراي ۇيىمداستىرعان جوبا
«كوش جانە كوشباسشى» مەرەكەلىك كونسەرتى
بيىل ەل تاۋەلسىزدىگى مەن «قازاق كوشىنە» - 25 جىل تولىپ وتىر. 1991 جىلى 18 قاراشادا قازاق كسر جوعارعى كەڭەسىنىڭ شەشىمىنە سايكەس رەسپۋبليكانىڭ مينيسترلەر كابينەتى “اۋىلدىق جەرلەردە جۇمىس ىستەۋگە تىلەك ءبىلدىرۋشى بايىرعى ۇلت ادامدارىنىڭ باسقا رەسپۋبليكالاردان جانە شەت ەلدەردەن قازاق كسر-ىنا كوشىپ كەلۋى ءتارتىبى مەن شارتتارى تۋرالى” قاۋلى قابىلدادى. سودان بەرگى شيرەك عاسىر ۋاقىتتا اتاجۇرتقا ورالعان قانداستارىمىزدىڭ سانى 1 ميلليوننان استى. بۇل، ارينە، ەلباسى نۇرسۇلتان ءابىش ۇلىنىڭ ەڭ جەمىستى ساياساتى دەسەك قاتەلەسپەيمىز. قازاق تاريحىنا التىن ارىپپەن جازىلۋعا ءتيىس وسى مەرەيلى مەرەكەنى ەلگە ورالعان اعايىن بيىلعى جىلى 18 قاراشادا الماتىداعى ستۋدەنتتەر سارايىندا ايرىقشا اتاپ وتپەك. بۇل شارانى - «قازاق كوشىنىڭ» 25 جىلىنا تاريحي باعا بەرۋ جانە قاراشاڭىراققا ۋىق بولىپ قادالعان ميلليوننان استام قازاقتىڭ ەل مەن ەلباسىنا العىس ايتۋى دەپ قابىلداعان ءجون. العىستى تەك جالاڭ سوزبەن عانا ەمەس، ەلگە كەلىپ وسىپ-ونگەن، جەتىستىككە جەتكەن اعايىننىڭ جارقىن بەت-بەينەسىمەن كورسەتكىسى كەلەدى. بۇل شارانى «قامشى» اقپاراتتىق پورتالى مەن «قازاقستان» ۇلتتىق تەلەارناسى بىرلەسىپ وتكىزۋدە.
جۇرگىزۋشىلەر:
ازامات ساتىبالدى
اننا دانچەنكو
دەرەكتى فيلم: «كوش جانە كوشباسشى»
ءسوز: ق ر اقپارات جانە كوممۋنيكاسيالار ءمينيسترى داۋرەن ابايەۆ
بەينە-سيۋجەت: ەلگە ورالىپ جەتىستىككە جەتكەن قانداستارىمىزدىڭ قازىرگى بەينەسى
كونسەرت: مايرا مۇحاممەد، رامازان ستامعازييەۆ، «قوڭىر» توبى، «الاش ۇلى»، شابا ادەنقۇل، ت.ب. قازاقستاننىڭ ەسترادا جۇلدىزدارى
ورىنى: ءو.جولداسبەكوۆ اتىنداعى ستۋدەنتتەر سارايى
(ءال-فارابي اتىنداعى قازۇۋ رەكتورى عالىمقايىر مۇتانوۆتىڭ قولداۋىمەن)
ۋاقىتى: 18 قاراشا، 18:00
بيلەتتەر ساتىلمايدى. بەلگىلەنگەن ءتارتىپ بويىنشا تەگىن تاراتىلادى.
تولىعىراق: 8-727-354-76-95
مەكەن-جاي: الماتى قالاسى، اباي داڭعىلى 143، باسپالار ءۇيى 513 كەڭسە.
ەل.پوشتا: qamshy@gmail.com
