اقجارقىن تۇرلىبايدان سوت وتىرىسىنىڭ سوڭىندا ءسال سۇxبات الۋدىڭ ءساتى ءتۇستى،- دەپ حابارلايدى 24.kz.
ەستەرىڭىزگە سالا كەتەيىك، قىتايدا ەسىرتكى تاسىمالدادى دەپ ايىپتالىپ، ءومىر بويى باس بوستاندىعىنان ايىرىلعان قازاقستان ازاماتى اقجارقىن تۇرلىبايعا قاتىستى ءبىرىنشى ساتىداعى سوتتىڭ جاڭا وتىرىسى وتانداسىمىز ۇستالعان گۋاندۋن پروۆينسياسى، گۋانچجوۋ قالاسىندا ءوتتى. سوت وتىرىسىنا ءۇش سوت، ەكى ايىپتاۋشى جانە ا. تۇرلىبايدىڭ قىتايداعى ەكى قورعاۋشىسى مەن قازاقستانداعى ادۆوكاتى سۇڭقار نۇرماعامبەتوۆ قاتىستى. سونىمەن قاتار ق ر كونسۋلدىق ءبولىمنىڭ باسشىسى بولات سىرلىبايەۆ تا بار. سوتتا اۋدارماشى بولعانىمەن سۇراقتارعا اقجارقىننىڭ ءوزى قىتايشا جاۋاپ بەردى. بۇعان دەيىنگى وتىرىستاردىڭ بارلىعىنا قاتىسقان اقجارقىننىڭ اناسى بۇل جولى كەلە المادى.
