جاقىندا عانا جاپونيانىڭ قازاقستانداعى توتەنشە جانە وكىلەتتى ەلشىسى بولىپ تاعايىندالعان يچيرو كاۆاباتتى الماتى قالاسىنىڭ اكىمى باۋىرجان بايبەك قابىلدادى.

كەزدەسۋ بارىسىندا ب. بايبەك ي. كاۆاباتتى قازاقستاندا ديپلوماتيالىق ميسسياسىنىڭ باستالۋىمەن قۇتتىقتادى. ءوز كەزەگىندە، جاپون ەلشىسى الماتى مەن جاپونيا اراسىنداعى بەرىك ەكىجاقتى بايلانىستى اتاپ ءوتىپ، جاپونيانىڭ ەكونوميكانىڭ كوپتەگەن سەكتورلارىندا جەمىستى ىنتىماقتاستىقتى جالعاستىرۋعا نيەتتى ەكەنىن ايتتى.

جاپونيا ەلشىسىن قابىلداعان شاھار باسشىسى الداعى ۋاقىتتا دا ەكىجاقتى ىنتىماقتاستىقپەن جۇمىس جاسايتىندىقتارى تۋرالى مالىمدەدى.

وسى ورايدا، 2016 جىلدىڭ تامىز ايىنداعى كورسەتكىشكە قاراعاندا الماتى قالاسىندا جاپوندىق 13 بىرلەسكەن كاسىپور مەن 19 كومپانيا تىركەلگەن. سونىمەن قاتار، كىجاقتى ىنتىماقتاستىقتى نىعايتۋعا سەرپىن بەرگەن جوعارى دەڭگەيدەگى ءبىرقاتار ساپارلار دا بولعان ەكەن. ال 2015 جىلى قازان ايىندا جاپونيا پرەمەر-مينيسترى سيندزو ابەنىڭ قازاقستاندا ارنايى رەسمي ساپارى ەكى ەل اراسىنداعى ىنتىماقتاستىقتى ارتىرا ءتۇستى.

قازاقستان مەن جاپونيا اراسىنداعى ودان ارى جان-جاقتى ىنتىماقتاستىق پەن دوستاستىقتى نىعايتۋ ماقساتىندا اعىمداعى جىلدىڭ قاراشا ايىندا ق ر پرەزيدەنتى ن.ءا.نازاربايەۆتىڭ جاپونياعا ساپارى جوسپارلانۋدا.

Baq.kz