الماتى اكىمى باۋىرجان بايبەك پەن قالانىڭ بيزنەس قۇرىلىمدارى وكىلدەرى اراسىنداعى كەزدەسۋ اياسىندا «AllurGroup» كومپانياسى ديرەكتورلار كەڭەسىنىڭ ءتوراعاسى اندرەي لاۆرەنتيەۆپەن ءوزارا ىنتىماقتاستىق تۋرالى مەموراندۋمعا قول قويىلدى.

كەلىسىمگە سايكەس، «ەكسپو-2017» كورمەسى باستالعانعا دەيىن الماتىدا ەلەكتروموبيلدەرگە ارنالعان 40 ەلەكترلىك جانارماي قۇيۋ بەكەتى اشىلادى. بۇل قازاقستاننىڭ 2013-2020 جىلدارعا ارنالعان «جاسىل ەكونوميكاعا» ءوتۋ تۇجىرىمىنىڭ نەگىزگى باعىتتارىنىڭ ءبىرى. سونىمەن بىرگە، كومپانيا تەستىلەۋدەن وتكىزۋ ءۇشىن 30 كۇن مەرزىمگە اكىمدىككە ءۇش ەلەكتروموبيل بەرۋدى جوسپارلاپ وتىر.

«25 جىل ىشىندە الماتىداعى كولىكتەر سانى ءۇش ەسەگە ارتتى. ءقازىر قالادا 570 مىڭ اۆتو بولسا، وبلىستا 270 مىڭ كولىك بار. ياعني، كۇن سايىن 840 مىڭ اۆتو قالاعا كىرىپ-شىعادى. سوڭعى ون جىلدا مەملەكەت الماتى كولىك ينفراقۇرىلىمىنا 500 ميلليارد تەڭگەگە جۋىق قاراجات جۇمساعان»، – دەدى باۋىرجان بايبەك.

ازىرگە، مەگاپوليس اكىمدىگى 10 ەلەكتروجانارماي بەكەتىن ورناتۋ جۇمىستارىن جۇرگىزىپ جاتىر، سونىمەن بىرگە بۇرىندارى ورناتىلعان جەكە ەلەكتروجانارماي بەكەتتەرى بار.

Baq.kz