اقوردانىڭ باسپا ءسوز قىزمەتى ەلباسىنىڭ 22 جىل بۇرىنعى عارىشكەرلەرمەن سۋرەتىن جاريالادى، دەپ حابارلايدى "قامشى" پورتالى.

«1994 جىلعى 4 قاراشادا قازاق عارىشكەرى تالعات مۇسابايەۆ عارىشتاعى «مير» وربيتالىق ستانساسىندا بولعان ساپارىن اياقتاپ، جەرگە ورالدى.

ول 1994 جىلعى 1 شىلدەدە «سويۋز تم-19» عارىش كەمەسىنىڭ بورتينجەنەرى رەتىندە عارىشقا ۇشقان بولاتىن. 125 تاۋلىك 22 ساعاتقا سوزىلعان سول ساپارىندا ول اشىق كەڭىستىككە شىققان العاشقى قازاق پەرزەنتى بولدى.

ساپارىن ءساتتى اياقتاعان ءۇش عارىشكەر – ت.مۇسابايەۆتى، يۋ.مالەنچەنكونى جانە ۋ.مەربولدتى ەلباسى تورعاي وڭىرىندە سالتاناتتى تۇردە قارسى العان ەدى. 22 جىل بۇرىنعى سول تاريحي ساتتەن تۇسىرىلگەن فوتوسۋرەتتى بۇگىن فەيسبۋك پايدالانۋشىلارى نازارىنا ۇسىنىپ وتىرمىز»، - دەپ جازىلعان جاريالانعان سۋرەتكە تۇسىنىكتەمەدە.

ەسكە سالا كەتەتىن بولساق، تالعات امانگەلدى ۇلى 2007 جىلدان باستاپ اتاۋى بىرنەشە رەت وزگەرتىلگەن قازاقستان عارىش اگەنتتىگىنىڭ باسقارۋشىسى قىزمەتىندە بولدى. بيىلعى جىلدىڭ 20-قاڭتاردا ت.مۇسابايەۆ مەملەكەت باسشىسىنىڭ جارلىعى بويىنشا قازاقستان پرەزيدەنتىنىڭ كەڭەسشىسى قىزمەتىنە تاعايىندالىپ، قازعارىشتان كەتتى.