ق ر اشم ۆەتەرينارلىق باقىلاۋ جانە قاداعالاۋ كوميتەتىنىڭ ءتوراعاسى س.حاسەنوۆ ۇستالدى،  - دەپ حابارلايدى Qamshy.kz Baq.kz سايتىنا سىلتەمە جاساپ.

«سىبايلاس جەمقورلىققا قارسى ءىس-قيمىل ۇلتتىق بيۋروسى بىرنەشە مارتە پارا العانى ءۇشىن ق ر اۋىل شارۋاشىلىعى مينيسترلىگى ۆەتەرينارلىق باقىلاۋ جانە قاداعالاۋ كوميتەتىنىڭ ءتوراعاسى س.حاسەنوۆتى ۇستادى»، - دەپ مالىمدەدى جەمقورلىققا قارسى قىزمەتتىڭ باسپا ءسوز قىزمەتىنەن.

«كوميتەت ءتوراعاسى س.حاسەنوۆ بۇعان دەيىن مينيسترلىكتە جۇمىس ىستەگەن سەنىمدى تۇلعاسى ە.رەشەتكومەن الدىن الا كەلىسىپ، قازاقستان اۋماعىنا ەت ونىمدەرىن اكەلۋگە رۇقسات بەرۋ بويىنشا قىلمىستىق جوسپار قۇرعان. س.حاسەنوۆ بەلگىلەنگەن باعا بويىنشا جۇيەلى تۇردە پارا الىپ وتىرعان. وسىلايشا، «حلادولەند» ج ش س باسشىلارىنان بەس ملن تەڭگە مولشەرىندە پارا الۋ كەزىندە س.حاسەنوۆ پەن ە.رەشەتكو قولعا ءتۇستى. ەكەۋى دە كىناسىن تولىعىمەن مويىنداپ وتىر»، - دەلىنگەن حابارلامادا.

قازىرگى تاڭدا س.حاسەنوۆ استانا ءىىد ۋاقىتشا ۇستاۋ اباقتىسىنا قامالدى. سوتقا دەيىنگى تەرگەۋ ءجۇرىپ جاتىر.