وسى اپتادا جەرورتا تەڭىزىنىڭ ليۆيا جاعالاۋىنا تاياۋ ماڭدا 240 بوسقىن سۋعا كەتكەن. بۇل تۋرالى بۇۇ-نىڭ يۋنيسەف بالالار قورى حابارلايدى.
سۋعا باتقانداردىڭ تەك 29-ىن عانا قۇتقارۋ مۇمكىن بولعان. ءتىرى قالعان بوسقىندار يتاليانىڭ لامپەدۋزا ارالىنا جەتكىزىلگەن.
يۋنيسەف وكىلى حەلەنا رودريگەستىڭ سوزىنە سۇيەنسەك، ءتىرى قالعان بوسقىننىڭ ءبىرى كونترابانديستەرگە ليۆيادان يتالياعا جەتۋ ءۇشىن 2400 دوللار بەرگەنىن ايتقان. الايدا بۇل كەمە ۇزاق ساپارعا جارامسىز بولىپ شىققان. بوسقىندار كونترابانديستەردەن قورقىپ كەمەگە مىنۋە ءماجبۇر بولعان. ليۆيا جاعالاۋىنان 12 شاقىرىم جەردە كەمە اپاتقا ۇشىراپتى.
ايتا كەتۋ كەرەك، بيىل جىل باسىنان بەرى جەرورتا تەڭىزى ارقىلى ەۋروپاعا وتپەك بولعان 4200 بوسقىن سۋعا كەتتى.
