الماتى قالاسىنداعى بايزاقوۆ، ساتبايەۆ كوشەلەرىنىڭ قيىلىسىندا ورنالاسقان «Almaty Towers» ساۋدا ۇيىندە ءورت بولىپ جاتىر، دەپ حابارلايدى «قامشى» پورتالى. ءورت باستالعان تۇستا مولداش ەركەبۇلان ەسىمدى Facebook قولدانۋشىسى ءورت ورنىنان بەينەجازبا جاريالادى. ونىڭ ويىنشا اتالعان نىساننىڭ ءۇشىنشى قاباتىنداعى اس ۇيدەن ءورت شىققان بولۋى مۇمكىن. نىساننىڭ جان-جاعىندا جولدار جابىلعان. بەلگىلى بولعانداي قالالىق ءتجد-نىڭ مالىمەتىنشە، 18.04-تە "101" پۋلتىنە بوستاندىق اۋدانى بايزاقوۆ كوشەسى 280 ۇيدە ءورت شىقتى دەگەن حابار تۇسكەن.
ينتەرنەتتە پايدا بولعان بەينەجازبالاردان ءورت جالىنىنىڭ ايتارلىقتاي بيىك ەكەنىن بايقاۋعا بولادى. اقپارات بويىنشا وقيعا ورىنان ادامدار ەۆاكۋاسيالانعان. زارداپ شەككەندەر تۋرالى ازىرگە اقپارات جوق.
