تەكسەرىستەردى ۇيىمداستىرىپ وتىرعان شىعىس قازاقستان وبلىسىنىڭ پروكۋرورى تايمبەتوۆ باعبان تايمبەت ۇلى
ءبىزدىڭ، ياعني ايدىن ەگەۋبايەۆ، ماقسات ءىلياس ۇلى باس پروكۋراتۋراعا قايتا-قايتا جازعان ارىزدارىمىزدىڭ، حاتتارىمىزدىڭ ناتيجەسىندە شىعىس قازاقستان وبلىسىنىڭ پروكۋراتۋراسى قىتايدىڭ «ۋەيز گرۋپپ» كومپانياسىنىڭ 45% ۇلەسى بار «ءباتۋا» سەرىكتەستىگىنە قاتىستى پروكۋرورلىق تەكسەرىستەر جۇرگىزىپ جاتىر. تەكسەرۋ بارىسىندا بەلگىلى بولعانداي، (وبلىستىق 1ء-شى باسقارما پروكۋرورى كونىروۆ جاندوس) وبلىس ورتالىعىندا ورنالاسقان «شقو كاسىپكەرلىك جانە يندۋستريالىق-يننوۆاسيالىق دامۋ باسقارماسى» مم مەن «شقو ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسى» مم باسقارمالاردىڭ شقو پروكۋراتۋراسىنا بەرگەن جاۋابىنىڭ ناتيجەسى مەن وبلىس اكىمدەرىنىڭ حالىققا بەرگەن ەسەبىمەن، وبلىستىڭ باسپا ءسوز قىزمەتى جانە قازاقپارات اگەنتتىگى تاراتقان مالىمەتتەر بىر-بىرىنە قاراما-قايشى بولىپ وتىر.
اكىم بەردىبەك ساپاربايەۆ، ق ر اشم سۋ رەسۋرستارى كوميتەتىنىڭ ءتوراعاسى يسلام ابىشيەۆ "ءباتۋا" ج ش س ديرەكتورى اسقار ىزىمعالييەۆپەن بىرگە
بىرىنشىدەن: شىعىس قازاقستان وبلىسىنىڭ اكىمى بەردىبەك ماشبەك ۇلى ساپاربايەۆتىڭ حالىق الدىنداعى ەسەبى وسكەمەن قالاسىندا 2013 جىلعى 20 اقپاندا ساعات 11.00 –دە س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ №5 عيماراتىندا وتكەن جيىندا: http://www.akimvko.gov.kz/kz/otchetnyie-vstrechi-akimov/2013.html
«ءۇش جىل ىشىندە (2010،2011، 2012 جىلدار بولسا كەرەك «ا.ە») يندۋستريالاندىرۋ كارتاسى شەڭبەرىندە 195،4 ملرد. تەڭگەگە 29 ينۆەستيسيالىق جوبا ەنگىزىلدى.
3 مىڭنان استام جۇمىس ورىندارى قۇرىلدى، بيۋدجەتكە تۇسكەن سالىق تۇسىمدەرىنىڭ كولەمى 1،7 ملرد. تەڭگە قۇراپ، 1 جۇمىسپەن قامتىلعانعا شاققاندا ەڭبەك ونىمدىلىگى 25،9 % ءوستى.
جالپى اگروونەركاسىپتىك كەشەن بويىنشا وبلىستا 11،4 ملرد. تەڭگە سوماسىنا 119 ينۆەستيسيالىق جوبا ىسكە اسىرىلدى. ىسكە اسىرىلعان جوبالاردىڭ ىشىندە نەعۇرلىم ماڭىزدىلارى – قۇنى 3،1 ملرد. تەڭگە «وسكەمەن قۇس فابريكاسىن قايتا قۇرۋ جانە جاڭعىرتۋ» جوباسى، قۇنى 500 ملن. تەڭگەدەن استام «بوبروۆكا پليۋس» ج ش س «400 باس سيىرعا ارنالعان ءسۇت-تاۋار فەرماسىن قۇرۋ»، جوبانىڭ ءبىرىنشى ساتىسىنىڭ قۇنى 1350 ملن. تەڭگە سەمەي قالاسىنداعى «شىعىس بويلەر» ج ش س «جۇمىرتقا باعىتىنداعى قۇس فابريكاسىن برويلەر ەتى وندىرىسىنە قايتا بەيىندەۋ»، قۇنى 1450 ملن تەڭگە ءۇرجار اۋدانىندا «باتۋا» ج ش س سويا ءوندىرىسى ءۇشىن سۋارۋ جەلىسى مەن وعان ينفراقۇرىلىم قۇرۋ» دەپ مالىمدەگەن. ەكىنشىدەن: شىعىس قازاقستان وبلىسىنىڭ 2015 جىلعى الەۋمەتتىك- ەكونوميكالىق پاسپورتىندا: «ءبىرىنشى جانە ەكىنشى بەس جىلدىق شەڭبەرىندە ىسكە اسىرىلعان جوبالار» تىزىمىندە «يندۋستريالىق-يننوۆاسيالىق دامۋ باعدارلاماسى بويىنشا ءۇرجار اۋدانى بويىنشا «باتۋا» ج ش س ءۇرجار اۋدانىندا پلاستيكالىق قۇبىرلارىنىڭ ءوندىرىسى ءۇشىن 745،3 ملن. تەڭگە ءبولىندى»،-دەپ كورسەتىلگەن.
«ءباتۋا» جشس-مەن وندىرىلگەن پلاستيكالىق قۇبىرلاردىڭ كولەمى 94،0 ملن. تەڭگە قۇرادى، 2012 جىلدىڭ دەڭگەيىنەن 3،8 ەسە كوپ»،- دەيدى رەسمي قۇجاتتا.
ۇشىنشىدەن: «قازاقستاندىق ماتەماتيك ءۇرجاردا يەن قالعان جەردى جاسىل القاپقا اينالدىردى» http://inform.kz/kz/kazakstandyk-matematik-urzharda-ien-kalgan-zherdi-zhasyl-alkapka-aynaldyrdy_a2689275 دەگەن تاقىرىپتا «الماتىدان ماتەماتيك اسقار ىزىمعالييەۆ ءۇرجارلىق 300 گا قاراۋسىز جەردى تامشىلاتىپ سۋارۋ تەحنولوگياسىن قولدانىپ، سويا بۇرشاعى القابىنا اينالدىردى. 2011 جىلى قۇرىلعان «باتۋا» شارۋاشىلىعى وسى جىلدارى 7 مىڭ گەكتاردان استام جەر يگەردى، ول جەردە سونىمەن بىرگە بيداي، كۇنباعىس، جۇگەرى جانە س ۇلى وسىرىلەدى. بۇدان باسقا، «باتۋانىڭ» باسشىلارى قۇبىر وندىرەتىن زاۋىت سالدى، 5000 جۇمىسكەرگە ارناپ ۆاحتالىق كەنت قۇردى، وندا اسحانا، ءقوناقۇي، جاتاقحانا بار، اۋىل شارۋاشىلىعى تەحنيكاسىن جوندەيتىن زاماناۋي بازا دا سالىنعان.
وتكەن جىلى قۇنى 3 ملرد. تەڭگەدەن اساتىن «باتۋا» كومپانياسىنىڭ بۇل جوباسى ق ر يندۋستريالاندىرۋ كارتاسىنا ەندى. كاسىپكەرلەر ءبىر جارىم ملرد. تەڭگە يگەردى، شەتەلدە شىعارىلعان 16 سۋارۋ جۇيەسى مەن تامشىلاتىپ سۋارۋ جۇيەسىن ساتىپ الىپ، ورناتتى.
اسقار ىزىمعالييەۆ «سويا الاڭىندا» تىكەلەي سۋارمالى جەردى دامىتۋ جونىندەگى رەسپۋبليكالىق سەمينارعا قاتىسۋشىلاردى «باتۋا» شارۋاشىلىعىنداعى جاڭا تەحنولوگيالارمەن تانىستىردى. ق ر اشم سۋ رەسۋرستارى كوميتەتىنىڭ ءتوراعاسى يسلام ابىشيەۆ پەن ءوڭىر اكىمى بەردىبەك ساپاربايەۆقا «سويا الاڭى» ماۋسىمىنا 7 رەت سۋارۋدى تالاپ ەتىلەتىنىن ايتتى.
ءوز كەزەگىندە، ءوڭىر اكىمى ب. ساپاربايەۆ اگرارشىلاردى «شەتەلدىكتەردەن جانە وتاندىق جاس فەرمەرلەردەن ەڭبەكتى ۇيىمداستىرۋدى، كاسىبي بىلىكتىلىكتى ۇيرەنۋدەن يمەنبەۋگە شاقىردى. «اگروبيزنەس-2020» مەملەكەتتىك باعدارلاماسى 50 پايىزعا دەيىن سۋبسيديا الۋعا مۇمكىندىك بەرەدى، حالىقتى وياتۋ قاجەت»،-دەدى ول.
بەردىبەك ساپاربايەۆ مىرزا «ءباتۋا» ج ش س تۋرالى بىلمەيتىنىن، تانىمايتىنىن، كورمەگەنىن ايتىپ ەدى...
"ءباتۋا" ج ش س 10 ملرد. تەڭگە جۇمسالعان قۇبىر زاۋىتى.
تورتىنشىدەن:
2015.02.26 اكيم ۆكو دانيال احمەتوۆ پرينيال گلاۆۋ كرەستيانسكوگو حوزيايستۆا «ءباتۋا» نۋرلانا بياديلوۆا
ۆو ۆرەميا ۆسترەچي بىلي وبگوۆورەنى مەرى دالنەيشەي گوسۋدارستۆەننوي پوددەرجكي توو «ءباتۋا»، كوتوروە سپەسياليزيرۋەتسيا نا ۆىراششيۆانيي سوي، يسپولزۋيا مەتودى كاپەلنوگو ي دوجديەۆالنوگو وروشەنيا. زا پەريود دەياتەلنوستي حوزيايستۆوم پرودەلانا رابوتا پو پودنياتيۋ 8 تىسياچ گا سەليننوي زەملي ۆ وتدالەننوي مەستنوستي ۋردجارسكوگو رايونا. زدەس پوستروەن ەدينستۆەننىي ۆ رەسپۋبليكە زاۆود PVC ترۋب. وبەم ينۆەستيسيي سوستاۆيل 6 ملرد. تەنگە. كرومە توگو، پريۆلەچەنى ينوستراننىە كرەديتى ۆ سۋممە 20 ملن. دوللاروۆ سشا. سوزدانو بولەە 200 رابوچيح مەست. پرەسس-سلۋجبا اكيما ۆكو
اتالعان مالىمەتتەرگە بەرىلگەن تەكسەرىستىڭ ناتيجەسى
«شىعىس قازاقستان وبلىسى كاسىپكەرلىك جانە يندۋستريالىق-يننوۆاسيالىق دامۋ باسقارماسى» مم شقو پروكۋراتۋراسىنا بەرگەن جاۋابىنا سۇيەنسەك 15.08. 2013 كۇنى وبلىس اكىمى توراعالىعىمەن وتكەن ارنايى كوميسسيا حاتتاماسىمەن ق ر يندۋستريالىق كارتا باعدارلاماسى بويىنشا «ءباتۋا» ج ش س 745،3 ملن تەڭگە كولەمىندە پلاستيكالىق ترۋبا شىعارۋ وندىرىسىنە قارجى بەرۋ تۋرالى شەشىم قابىلدانعان. بۇل جوبانى ق ر يندۋستريالار جانە دامۋ ءمينيسترى ا. راۋ بەكىتەدى. الايدا، «شىعىس قازاقستان وبلىسى كاسىپكەرلىك جانە يندۋستريالىق-يننوۆاسيالىق دامۋ باسقارماسى» مم ارنايى كوميسسيا قول قويىپ، مينيسترلىك بەكىتكەن جوسپار بويىنشا بولىنگەن قارجىنى «ءباتۋا» ج ش س الماعان-مىس. مەملەكەتتىك باعدارلاماعا كىرگەن جوبا، سەرىكتەستىكتىڭ ءوز قاراجاتىمەن جۇزەگە اسىرعان دەيدى.
بۇل جەردە مىنانداي سۇراق تۋىندايدى:
ق ر يندۋستريالاندىرۋ كارتاسىنا ەنىپ، وبلىس باسشىسى، ق ر يندۋستريالار جانە دامۋ مينيسترلىگى بەكىتكەن قارجىلاي كومەكتى «ءباتۋا» ج ش س نەگە العان جوق؟
ق ر يندۋستريالاندىرۋ كارتا اياسىندا ەشقانداي قارجى الماسا ول باعدارلاماعا كىرۋدەگى ماقسات قانداي بولدى؟ بۇل سۇراقتىڭ جاۋابىن ق ر يندۋستريالار جانە دامۋ ءمينيسترى ا. راۋدان جانە وبلىس باسشىسىنان، «ءباتۋا»ج ش س باسشىلارىنان قوسىمشا ساۋال جاساپ بىلەتىن بولامىز.
2015 جىلى «بيزنەستىڭ جول كارتاسى-2020» باعدارلاماسى اياسىندا «ءباتۋا» ج ش س ەلەكتر قۋاتىمەن قامتاماسىز ەتۋ ءۇشىن ۆل-35 كۆ. قۋاتتى پس 35/10 كۆ ەلەكتر ستانسياسىن سالۋ ءۇشىن 387 ملن. تەڭگە بولەدى دەلىنگەن سۇراقتىڭ جاۋابى:
«شقو ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسى» مم بەرگەن اقپاراتتارىنا سۇيەنسەك، بۇل جوبا « جول كارتاسى 2020» اياسىندا جۇزەگە اسىرىلىپ، قازاقستان رەسپۋبليكاسىنىڭ ۇلتتىق ەكونوميكا مينيسترلىگى 2014.04.29 كۇنى قولداۋ تاۋىپ، 344 782.0 تەڭگە قارجى بولىنەدى. الايدى بولىنگەن قارجىنى، ەكسپەرتيزانىڭ قورتىندىسى دۇرىس بولماي سول جەردە ماماندار بايقاپ قالىپ توقتاتىپ تاستايدى. سول سەبەپتەن بولىنگەن قارجى قايتادان بيۋدجەتكە قايتارىلادى.
بۇل جەردە تۋىندايتىن سۇراق، ۇلتتىق ەكونوميكا مينيسترلىگى بولگەن قارجىنىڭ قۇجاتتارىنىڭ دۇرىستىعىن قانداي ەكسپەرتتەر تەكسەرگەن؟ قۇجاتتاعى كەمشىلىكتەر قارجى بولىنگەنگە دەيىن نەگە تەكسەرىلمەگەن؟ بۇل سۇراقتاردىڭ جاۋابىن قوسىمشا حابارلايتىن بولامىز.
ال، جوعارىداعى بەردىبەك ساپاربايەۆتىڭ حالىققا ەسەبىندە، رەسمي قۇجاتتاردا «جوبا ىسكە اسىرىلدى»، «سۋارۋ جۇيەسى ساتىپ الىنىپ، ورناتىلدى»، «قۇبىر زاۆودى سالىندى، 200 ادام جۇمىس ىستەپ جاتىر» دەپ مالىمدەگەن.
وبلىس اكىمى، مينيسترلىكتەر قارجى ءبولىندى، يگەرىلدى، جۇمىس ورىندارى اشىلدى دەسە، باسقارمالار بولىنگەن قارجىنى «ءباتۋا» ج ش س الماعانىن مالىمدەۋدە.
بۇل جەردە كىمدى كىمنىڭ الداپ، كىمنىڭ جالعان اقپارات تاراتىپ وتىرعانى قازىرشە بەلگىسىز.
قورىتا كەلگەندە، شقو ءۇرجار اۋدانىنداعى 91 443،1 گا جەردىڭ مەملەكەتكە قايتارىلاتىنى نەمەسە سول قالپىندا قالاتىنى بەلگىسىز. سوت ءىسى جالعاسۋدا. رەسمي ورگاندار «ءباتۋا» ج ش س قارجىلىق اينالىمىن، نەسيەلەر مەن سۋبسيديالاردى زاڭدى نەمەسە زاڭسىز العانىن انىقتاۋعا قۇلىقتى بولماي وتىر. ەندى ءارى قاراي شقو بەسقاراعاي اۋدانىنداعى «Long Xin» ج ش س جۇڭگو كومپانياسى يەلىك ەتىپ وتىر دەلىنگەن 15 000 گا، ءۇرجار اۋدانى بويىنشا 91 443،1 گا جەرلەردى الۋ مەن پايدالانۋداعى زاڭسىزدىقتاردى تەكسەرۋگە بارا جاتىرمىز.
تەكسەرىس بارىسىن جاريالاپ وتىرامىز...
ايدىن ەگەۋبايەۆ، ماقسات ءىلياس ۇلى "الاش جولى" حالىقتىق قوزعالىسى
