جۇما كۇنى قىتايدىڭ وڭتۇستىك-باتىسىنداعى يۋننان پروۆينسياسىندا بولعان ماگنيتۋداسى 6،1 باللدى قۇراعان جەر سىلكىنىسىنەن جاپا شەككەندەر سانى 177 مىڭ ادامعا جەتتى، دەپ حابارلايدى يتار-تاسس.
تابيعات اپاتى سالدارىنان 48 ادام جاراقاتتانىپ، 45 مىڭ ازامات ءقاۋىپسىز جەرگە شىعارىلدى. جەرگىلىكتى بيلىك وكىلدەرى حابارلاعانداي، 3،4 مىڭ ءۇي قيراپ، 21 مىڭ باسپانا بۇزىلدى. ولار تىكەلەي ەكونوميكالىق شىعىندى 1،7 ملرد. يۋانعا (272 ملن. دوللار) باعالاپ وتىر. ايتا كەتەيىك، ءزىلزالا جۇما كۇنى بەيجىڭ ۋاقىتىمەن ساعات 09:20-دا داي-سزينپوسك اۆتونوميالىق وكرۋگىنە كىرەتىن ينسزيان ۋەزىندە بولعان، دەپ حابارلادى جۇڭگو سەيسميكالىق ورتالىعىنان. جەر سىلكىنىسىنەن كەيىن ماگنيتۋداسى 5،1 باللعا دەيىنگى قۋاتپەن 41 جەراستى ءدۇمپۋى بولدى.
قازاقپارات
