قازاقستاننىڭ ساۋد ارابياسىنداعى توتەنشە جانە وكىلەتتى ەلشىسى باقىت باتىرشايەۆ، بۇگىندە ول جەردە ءدىني ءبىلىم الىپ جۇرگەن قازاقستاندىقتاردىڭ ىشىندە تەرروريزمگە قاتىسى بار دەگەن كۇدىكپەن ۇستالعانداردىڭ بار ەكەنىن ايتتى، دەپ xابارلايدى «قامشى» پورتالى قازاقپاراتقا سىلتەمە جاساپ. ول ەلدە وقىپ جۇرگەن قازاقستاندىقتار يسلام ءدىنىنىڭ بارلىق مازھابتارىن وقيدى.

بۇگىندە ساۋد ارابياسىندا 95 قازاقستاندىق ستۋدەنت ءبىلىم الىپ ءجۇر. ولاردىڭ باسىم بولىگى مەدينا يسلام ۋنيۆەرسيتەتىندە وقيدى. «اتالعان جوعارى وقۋ ورنىندا ءتورت مازھابتىڭ بارلىعى وقىتىلادى. ەندى، ول ۋنيۆەرسيتەتكە الەمنىڭ تۇكپىر-تۇكپىرىنەن عالىمدار كەلىپ، ءدارىس وقيدى. سوندىقتان جاستاردىڭ تەرىس اعىمدا كەتىپ قالۋ ءقاۋپى بار. ونداي جاعدايلار بار دەپ ايتا الامىن. ونىڭ كەيبىر نىشاندارىن ءبىز بايقاپ تا، كورىپ تە وتىرمىز»، - دەگەن ب.باتىرشايەۆ. ەلشىنىڭ سوزىنە قاراعاندا، ءدىني ءبىلىم الىپ جۇرگەن ستۋدەنتتەردى ۇنەمى باقىلاۋدا ۇستاپ وتىرادى. ال كەلەڭسىز جاعدايلار بولسا، ءتيىستى شارالار قولعا الىنادى. بيىل تەرروريزم ايىبىمەن ءبىزدىڭ جەتى ازاماتىمىز ۇستالعان. ءقازىر بەسەۋى قازاقستانعا قايتارىلدى.

ايتا كەتەر بولساق، بۇگىنگى كۇنى ەلىمىزدە يمامدىق ەتىپ جۇرگەن ءدىن قىزمەتكەرلەرىنىڭ ءبىرشاما بولىگى ساۋد ارابياسىندا ءبىلىم العان بولاتىن. 

سونداي-اق، وسى ەلدە جىل باسىندا تەرروريزم ايىبىمەن ۇستالعان  33 ادامنىڭ ىشىندە ءبىر قازاقستان ازاماتى دا تۇتقىندالعان ەدى. قازاقستاندا بيىلعى جىلى الماتى مەن اقتوبە قالاسىندا بولعان تەراكتتەن كەيىن، ساۋد ارابياسىنان ءدىن اتىن جامىلىپ ەلگە كەلۋشىلەرگە قاتاڭ باقىلاۋ ورناتۋ ايتىلعان ەدى.