اۆستراليالىق  روبەرت حوگ (Robert Hoge) جارىق دۇنيەگە كەلگەندە، اناسى بالاسىنا ءوزىن كۇشتەپ قاراتقان. ءبىر اپتا بويى ايەل بالاسىنان باس تارتىپ، ونى ەمحانادا قالدىرادى. «ونىڭ ءتۇرى سونداي جامان» — دەپ كوز جاسىن توگىپ، اپكەسىنە شاعىم ايتاتىن. وسىلاي ول ءسابيىن الماستان، قۇتىلۋعا اسىعادى. ءتىپتى، بالاسىنىڭ دۇنيەگە كەلمەي-اق ءولىپ قالعانىن تىلەگەن...

روبەرتتىڭ   دۇنيە ەسىگىن اشقاندا بەتىندە ۇلكەن ىسىگى،  دامىماعان اياقتارى جانە باسقا دا دەفەكتىلەرى بار بولدى. سودان بەرى 44 جىل ءوتتى. ءبىر كەزدەرى  ءولىم تىلەگەن انانىڭ بالاسىنا دەگەن ماحابباتى وسىنداي بولارىن كىم بىلگەن؟! بالاسى ءۇشىن ول شابىت بەرۋشى كۇشتىڭ ءبىرى بولدى.

اناسى ءبىر اي بويى روبەرتتەن باس تارتقان. ءبىراق، بارلىق وتباسى مۇشەسى اقىلداسا كەلىپ، بەسىنشى بالالارى روبەرتتى وزدەرىنە الۋعا شەشىم قابىلداعاندارىن ايەلگە ايتادى.  جىلدار وتەدى، بالا دا وسەدى.  سۇرىقسىز سابيىنە كوزى ۇيرەنگەن انا ۋاقىت وتە كەلە وعان ۇيرەنىپ، باۋىر باسىپ كەتەدى.

 بۇل وقيعا  پلاستيكالىق حيرۋرگيا دامىماي تۇرعاندا بولعان جانە وتباسىنىڭ بارشا مۇشەسى روبەرت ءتۇرى ءۇشىن تالاي ادامداردىڭ كۇلكىسىنە اينالاتىنىن تۇسىنەتىن.

باۋىرلارى  وزدەرىنىڭ كىشكەنتاي روبەرتتەرىن قورعاشتاپ، ەشكىمنىڭ ونى رەنجىتپەۋىن قاداعالايتىن. ولار ءوز مۇمكىندىكتەرى قالاي پايدا بولدى، سول مەزەتتە-اق بالانىڭ بەتىندەگى ىسىگىن الىپ تاستايتىن حيرۋرگ تابادى.  دارىگەرلەر ونىڭ مۇرنىن تولىقتاي الىپ تاستاپ، قايتا قالپىنا كەلتىرۋ ءۇشىن روبەرتتىڭ اياعىنىڭ باس بارماعىنداعى شەمىرشەك تىندەرىن قولدانۋعا ءماجبۇر بولادى. 

ەكى اياعىنىڭ دا دامىماي قالۋى روبەرتتىڭ تۋمىسىنان بار دەفەكتىسى جانە ونى تۇزەۋگە دارىگەرلەر قاۋقارسىز بولادى. اقىرىندا وتباسى بالانىڭ ەكى اياعىنا دا امپۋتاسيا جاساپ، پروتەز كيگىزەدى.

ءبىر كۇنى روبەرت اناسىنىڭ ءوز ويلارىن جازعان كۇندەلىگىن تاۋىپ الادى، وندا دارىگەرلەردىڭ كەڭەسى دە بار بولاتىن.  جاڭا تۋعان نارەستەگە قاتىستى وكپەلەرىن دە كوزى شالادى، روبەرت: «مەنىڭ وعان دەگەن ەشقانداي سەزىمىم جوق!» — دەگەندى وقيدى. بۇل سوزدەر ونىڭ جۇرەگىن قاتتى اۋىرتادى.  شەشەسىنىڭ ودان قۇتىلعانشا اسىق بولعان ويلارى سول كۇننەن باستاپ  روبەرتكە تىنىم بەرمەيدى. 

 اناسىنا ماسىل بولعانى  ءۇشىن ۇزاق ۋاقىتتار ازاپ شەگەتىنىن ءبىراز جىلدان سوڭ ايتادى. سول ءۇشىن دە ول ءوزىن باسقا قىرىنان كورسەتەدى: «ءبىر ساتتە ءبارى ءوز ورنىنا كەلدى. مەن ويلادىم: مەنىڭ ءومىرىم كينو. وندا بىرنەشە كوڭىلسىز ساتتەر بار. ءبىراق، ونىڭ سوڭى باقىتپەن اياقتالادى».

بۇگىندە 44-جاستاعى روبرەت، تانىمال جانە تابىستى ادام، اناسى جايلى ەڭ جاقسى سوزدەردى عانا ايتادى.  ول اناسىن تەك «جاقسى، قامقور، كەرەمەت» ادام رەتىندە عانا ەسىندە ساقتاعان.  

روبەرت پەن ايەلى كەتي اۆستراليادا ۆيننامدا تۇرادى. ولاردىڭ ەكى قىزى بار، اكەلەرى ولاردى وتە قاتتى جاقسى كورەدى. اياعىنىڭ جوقتىعى مەن سۇرىقسىز تۇرىنە قاراماستان روبەرت ءوزىن كۇلىك استىنا قالدىرماعان. ول ءبىلىم الىپ، جۋرناليست بولىپ قىزمەت ىستەيدى. بۇگىنگى تاڭدا وتە تانىمال جازۋشى.

2013  جىلى روبەرتتى «Ugly» — سۇرىقسىز اتتى اۆتوبيوگرافياسى شىقتى. روبەرت ءوز ومىرىنەن مىسال الا وتىرىپ، ءبىزدىڭ ءوزىمىز جايلى وزگەلەردىڭ نە ويلايدى دەپ قاتتى الاڭداۋىمىزدى، بۇل جالتاقتىقتىڭ كوپ جەردە كەدەرگى ەكەنىن كورسەتۋگە تىرىسادى. « ءوز كەلبەتىڭدى بيلەي ءبىل» —  روبەرتتىڭ اتاقتى TEDx جوباسىنداعى ءسوزى وسىلاي باستالادى.

روبەرت بۇگىندە وزىنە «بەت-الپەتىن» تۇزەۋ تۋرالى ۇسىنىستاردىڭ ءجيى تۇسەتىنىن ايتادى. ءبىراق، تابىستى جازۋشى، باقىتتى اكە «كورىكتى كەلبەتسىز»  ومىردە كوپ نارسەگە قول جەتكىزدى.  باستىسى جاقىندارىڭنىڭ قولداۋى دەيدى روبەرت. ول بۇگىندە  ءبىر كەزدەرى ءوزىن تاستاپ كەتپەي، ۇيگە اكەلىپ، باعىپ-قاققان اناسىنا العىسىنىڭ شەكسىز ەكەنىن، ءومىرىنىڭ ورتا بەلىنەن باقىتتى سيۋجەت جاساۋعا مۇمكىندىك بەرگەن بارشا جانعا راحمەتىن جاۋدىرىپ، باقىتتى عۇمىر كەشۋدە! 

ماتەريالدى اۋدارعان: ايجان قالييەۆا