بۇگىن، وڭىرلىك كوممۋنيكاسيالار قىزمەتىنىڭ الاڭىندا الماتى قالاسى كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى الماس مادييەۆتىڭ قاتىسۋىمەن «ەلباسىنىڭ جولداۋىن ىسكە اسىرۋ، قازاقستان جاڭا جاھاندىق ناقتى احۋالدا: ءوسىم، رەفورمالار، دامۋ، IV باعىت، «بيزنەستىڭ جول كارتاسى-2020»، قازاقستان رەساۋبليكاسى يندۋستريالدى –يننوۆاسيالىق دامۋىنىڭ 2015-2019 جىلدارعا ارنالعان باعدارلاماسى» تاقىرىبىندا باسپا ءسوز كونفەرەنسياسى ءوتتى، - دەپ حابارلايدى Qamshy.kz.
كونفەرەنسيا بارىسىندا مادييەۆ مىرزا الماتى قالاسىنىڭ شاعىن جانە ورتا بيزنەسىنىڭ، ساۋدانىڭ، قىزمەت كورسەتۋ سالاسىنىڭ جانە يندۋستريالدى-يننوۆاسيالىق دامۋىنىڭ نەگىزگى كورسەتكىشتەرىن جاريالادى. ا. مادييەۆ قالادا شاعىن جانە ورتا بيزنەستىڭ تۇراقتى ءوسۋىنىڭ بايقالاتىنىن اتاپ ءوتتى. «بيزنەستىڭ جول كارتاسى-2020» باعدارلاماسى بويىنشا، 2016 جىلى رەسپۋبليكالىق بيۋدجەتتەن 3،2 ملرد. تەڭگە ءبولىندى. وتكەن جىلمەن سالىستىرعاندا «بيزنەستىڭ جول كارتاسى-2020» باعدارلاماسى جوبالارىنىڭ سانى 2،5 ەسەگە، الىنعان نەسيەلەر قورجىنى مەن سۋبسيديالار كولەمى 2 ەسەگە ارتتى. باعدارلامانى ىسكە اسىرۋدىڭ جەتىستىكتى ۇلگىلەرى: «مەگا الماتى» ساۋدا ويىن-ساۋىق ورتالىعىنىڭ اۋماعىندا «Happy Eye» ەڭ ءىرى اينالانى شولۋ اتتراكسيونى، «موسكۆا» ساۋدا ويىن-cاۋىق ورتالىعى جانە Hilton قوناق ءۇيى.
28ء-شى قىسقى ۋنيۆەرسيادا-2017 جانە ەكسپو-2017 ءىس-شارالارىنىڭ قارساڭىندا قازىرگى ۋاقىتتا 100-دەن استام نىساندار ىسكە قوسىلدى. Hilton، Kempinski، Novotel بەلگىلى اتاۋلارىمەن قوناق ۇيلەرىن اشۋعا دايىندىق جۇرگىزىلۋدە.
2017 جىلدىڭ III توقسانىنا دەيىن «OBI» ءبىرىنشى نەمىس گيپەرماركەتى ءوزىنىڭ قۇرىلىسىن اياقتايدى. ەكىنشى بەسجىلدىقتىڭ كاسىپكەرلىكتى قولداۋ كارتاسىن پايدالانۋ كەزەڭىنە 11000 جۇمىس ورىندىرى قۇرىلا وتىرىپ، سوماسى 175 ملرد. تەڭگەنى قۇرايتىن بارلىعى 80 جوبا كىرەدى، ونىڭ 21ء-ى ىسكە قوسىلعان.
وتكەن دۇيسەنبىدە مەملەكەت باسشىسىنىڭ قاتىسۋىمەن وتكەن تەلەكوپىر بارىسىندا يندۋستريالاندىرۋ كارتاسىنىڭ شەڭبەرىندە وزەن ارنالارىن تۇراقتاندىرۋعا ارنالعان گابيوندىق تورلار ءوندىرىسى بويىنشا «Tokyo Rope Almaty» جاپون زاۋىتى ىسكە قوسىلدى. سونداي-اق، Tokyo Rope جانە الماتى قالاسىنىڭ اكىمدىگى الماتى قالاسىندا جاپونيانىڭ ىسكەرلىك كلۋبى مەن يندۋستريالدى ايماقتا جاپوندىق يندۋستريالدى پارك قۇرۋ تۋرالى مەموراندۋمعا قول قويدى.
قامشىگەر: دايانا يشانحان
