اۋىل تۇرعىندارى ادەتتەگى جىلاننىڭ شەكتەن تىس ءىسىنىپ كەتكەنىنە قايران قالادى. ءتىپتى، ول ءتورت تۇلىكتىڭ ءبىرىن جەپ قويعان بولار دەپ كۇدىكتەنەدى. ارتىنشا ونى ءولتىرىپ، ءىشىن جارىپ كورەدى. جىلاننىڭ ىشىندە ونداعان جۇمىرتقا بار ەكەن.
بۇل تۋرالى Daily Mail-گە سىلتەمە جاساپ، STAN.KZ جازدى.
فەرمەرلەر ءىسىنىپ كەتكەن جىلانعا قاراپ، ونىڭ اسقازانى كەڭەيىپ كەتكەن بولار دەپ ويلايدى. ياعني، اينالاسىنداعىلارعا زيانى تيەر دەگەن ويمەن ونى ولتىرەدى. وسىلايشا، نيگەريا تۇرعىندارى ونىڭ ىشىنەن ون شاقتى جۇمىرتقا تاۋىپ الادى. ادەتتە باتىس افريكا تۇرعىندارى جىلاننىڭ جۇمىرتقاسىن دەليكاتەس رەتىندە تۇتىنادى. بۇل جىلاننىڭ ناقتى قاي ءتۇرى ەكەنى بەلگىسىز. سەبەبى، كەي جىلان كۇنىنە 100 رەت جۇمىرتقالايدى.
پىكىر بىلدىرۋشىلەر فەرمەرلەردىڭ ارەكەتىن قۇپتادى. كوپشىلىك ەندى ون شاقتى ادامعا پايداسىز جىلاننىڭ تۋىلمايتىنىن مەڭزەدى. ۇزىندىعى بىرنەشە مەترگە جەتەتىن جىلان اناكونداعا ۇقسايدى. الايدا اناكوندالار تەك وڭتۇستىك امەريكادا بار. سول سەبەپتى، بۇل جاي عانا افريكالىق پيتونداردىڭ ءبىرى بولۋى مۇمكىن. عالىمداردىڭ زەرتتەۋىنشە، افريكالىق پيتون – الەمدەگى ەڭ ۇزىن جىلانداردىڭ ءبىرى. ونىڭ ۇزىندىعى 6 مەترگە دەيىن جەتۋى مۇمكىن.
1950 جىلى جازىلعان دەرەكتەردىڭ بىرىندە 7 مەترلىك پيتون مەن تاعى دا ءبىر 7،5 مەترلىك پيتوننىڭ اتىپ ولتىرىلگەنى جازىلعان. وزگە جىلاندار سەكىلدى افريكالىق پيتون قورەگىن الدىمەن ۋلاندىرىپ، ارتىنشا ونى وزىنە سورىپ الادى. بۇدان كەيىن ول ونى تۇنشىقتىرا باستايدى. ادەتتە جان-جانۋارلار تۇنشىققاندىقتان ەمەس، جۇرەكتەرى توقتاعاندىقتان ولەدى.
افريكالىق پيتوندار ءتۇرلى كەمىرگىش، قولتىراۋىن، كەسىرتكە، تىشقان، قۇس، جارقانات، بوكەن سىندى جان-جانۋارلارمەن تاماقتانادى. كەيدە ول، ءتىپتى، سىلەۋسىن سىندى مىسىقتار مەن كۇشىكتەردى جەپ قويۋى مۇمكىن.
