بۇل يت برازيليادا كامپيناس قالاسىنىڭ كوشەسىن ارالاپ جۇرگەن. ءۇيسىز، ءبىراق وتە اقىلدى انجەلا ەسىمدى يتكە (انجەلا دەپ كەيىننەن قالا تۇرعىندارى اتايدى)ەشكىم ەشقاشان مەيىرىمدىلىك تانىتپاعان، ءومىردىڭ قۇندىلىقتارىن ەشكىم تۇسىندىرمەگەن قاڭعىعىن ءۇيسىز يت. الايدا انجەلا قوقىستان تاپقان ءسابيدى باسقا سۇيەكتەردەن ارتىعىراق ەكەنىن ءتۇسىندى. انجەلانىڭ بۇل ارەكەتىنە  ءبىر جاراتۋشىنىڭ اسەرى بولعانى انىق. ول جاقىن ماڭداعى ءۇيدى كورىپ، ادامداردى ىزدەستىردى.

ءۇيدىڭ الدىندا تۇرعان ايەل انجەلانىڭ نە اكەلە جاتقانىن كورىپ، تاڭ قالعاننان قۇلاي جازدادى. ءسابي - قىز بالا – تۋىلعانىنى ەكى ساعات قانا بولعان. ونىڭ كىندىگى دە كەسىلمەگەن. اناسى تۋىپ، قوقىسقا لاقتىرىپ جىبىەرگەن.  ءتىپتى، جايالىققا وراماعان. ايەل ءيتتىڭ ءسابيدى ماپەلەپ جاناشىرلىقپەن قاراعانىنا تاڭ قالدى. ءسابيدىڭ دەنەسىندە بىردە-بىر ءتىستىڭ ىزدەرى بولمادى، سونشالىقتى ماپەلەپ، ابايلاپ الىپ كەلگەن.

ءسابيدى اۋرۋحاناعا جەتكىزىپ، ونى تەكسەرگەن دارىگەرلەر  بالانىڭ  دەنساۋلىعى جاقسى ەكەنىن حابارلادى. ەندى كىشكەنتاي قىزدىڭ باقىتتى دا عۇمىرلى ءومىر سۇرۋىنە مۇمكىندىگى بار.

ال اقىلدى انجەلانى بىرنەشە قالا تۇرعىنى اسىرىپ العىسى كەلدى، ءبىراق ول ەشكىمگە ۇيرەنىپ ۇلگەرگەن جوق. انجەلاعا جاقسى قارايتىن قوجايىن كەزدەسەتىنىنە سەنەمىز. ويتكەنى، انجەلا – قۇرمەتكە لايىق، باتىر يت. الايدا ءسابيدىڭ اناسى جايلى ولاي ايتا المايمىز، ونىڭ IQء-ى يتتەن دە تومەن بولعانى قالاي؟!الدە ول تاسجۇرەك، مەيىرىمسىز بە؟!

قامشىگەر: دايانا يشانحان