ەسىكتەگى «زورلاۋ» وقيعاسىنا بايلانىستى مەملەكەتتىك ايىپتاۋشى ءتورت ايىپتالۋشىنى 11 جىلدان باس بوستاندىعىنان ايىرۋدى سۇرادى، دەپ حابارلايدى قازاقپارات.

 ەسكە سالا كەتەيىك، قوعامنىڭ ۇلكەن رەزونانسىن تۋدىرعان وقيعا بويىنشا ەڭبەكشىقازاق اۋدانىنىڭ سوتىندا سوت تالقىلاۋى وتكەن بولاتىن. جابىق رەجىمدە وتكەن سوت پروسەسى بويىنشا ءتورت ادام: اسحات بەكتۇرسىن، ەلتاي نۇربول، الماس جانە ەربول ەرمەكوۆتەردىڭ ءىسى قارالۋدا. وسىعان بايلانىستى مەملەكەتتىك ايىپتاۋشى ەسىك قالاسىنىڭ تۇرعىنى جىبەك مۋسينوۆانى زورلاعان دەگەن ءتورت ايىپتالۋشىنى 11 جىلعا باس بوستاندىعىنان ايىرۋدى سۇراپ وتىر.

سوت ۇكىمى 15 قاراشا كۇنى شىعاتىن بولادى. جىبەك مۋسينوۆانىڭ ادۆوكاتى، بۇل پروسەسكە قاتىسپاۋىم مۇمكىن  دەپ وتىر. جابىرلەنۋشىنى زورلاعان دەگەن كۇدىكپەن ءتورت ازامات بىرنەشە باپ بويىنشا ايىپتالىپ وتىر. ق ر قك-نىڭ 125-بابىنىڭ 2-بولىگىنىڭ 1-تارماعىمەن، ق ر قك-نىڭ 120-بابىنىڭ 2-بولىگىنىڭ 1-تارماعىمەن، ق ر قك-نىڭ 121-بابىنىڭ 2-بولىگىنىڭ 1-تارماعىمەن، ق ر قك-نىڭ 293-بابىنىڭ 2-بولىگىنىڭ 1-تارماعىمەن ا.ج.بەكتۇرسىن، ن.ت.ەلتاي، ق ر قك-نىڭ 125-بابىنىڭ 2-بولىگىنىڭ 1-تارماعىمەن، 120-بابىنىڭ 2-بولىگىنىڭ 1-تارماعىمەن، ق ر قك-نىڭ 121-بابىنىڭ 2-بولىگىنىڭ 1-تارماعىمەن ا.ا. ەرمەكوۆ، ە.ن.ەرمەكوۆكە قاتىستى قىلمىستىق ءىس 4 قازان كۇنى سوتقا ءتۇستى.  ايتا كەتەيىك، بۇعان دەيىن جىبەك مۋسينوۆانىڭ اناسى الەۋمەتتىك جەلى ارقىلى قىزىن بىرنەشە ادام زورلاپ كەتكەندىگى جونىندە حابارلاپ، حالىقتان اراشا ءتۇسۋىن سۇراعان ەدى. قوعامنىڭ ۇلكەن تالقىسىنا تۇسكەن قىلمىستىق ءىستى وبلىستىق ءىىد  ءوز باقىلاۋىنا العان بولاتىن.