ءوز ويىم: ا) تەلەارنانى (تەلەجوبانى) قازاقشا بولعاندىقتان ەمەس، قىزىقتى (ءارى ءمان-ماعىنالى) بولعاندىقتان تاماشالاۋ كەرەك.
ءا) تەلەجۇرگىزۋشى (ادەمى بولعاندىقتان عانا، "كوكەشكىسى" بولعاندىقتان عانا، ەكىجۇزدى الاياق بولعاندىقتان عانا، ساقاۋ بولعاندىقتان عانا، باستىقتىڭ ءتىلىن تاپقاندىقتان عانا) ەفيرگە شىقپاسا كەرەك-تى. باعدارلاما جۇرگىزۋگە (ءدىلمار ءتىلدى، تەرەڭ ءبىلىمدى، ايتارى مول) تۇلعالار لايىقتى.
ر.S. وكىنىشكە قاراي، ادەمى سويلەپ، ادەمى كورىنگىسى كەلەتىن جۇرگىزۋشىلەر (ءبارى ەمەس، باسىم كوپشىلىگى) ەفيرگە ەمەس، ەفيردەگى ءوز بەينەسىنە "ولەردەي عاشىق". ولار كورەرمەن الدىنداعى جاۋاپكەرشىلىكتى ەمەس، تانىمالدىق جولمەن تاباتىن اقشاسىن ءبىرىنشى كەزەككە قويادى. جوعارىداعىلار جات دەسە جاتىپ، تۇر دەسە تۇرىپ، ءۇر دەسە ۇرە جونەلەتىن (وزىندىك ۇستانىمى جوق) "ءلابباي تاقسىرلى ورىنداعىشتارعا" تۇلعالىق قاسيەت قايدان قونسىن؟
ايتپاقشى: ەشكىم تۇلعا بولىپ تۋمايدى، تۇلعا بولىپ قالىپتاسادى
سەرىك اباس-شاحتىڭ Facebook پاراقشاسىنان الىندى.
