جاسىل ورمان ىشىندە تازا اۋامەن تىنىستاپ، تىنىققانعا نە جەتسىن؟ فرانسيالىق ديزاينەرلەر تابيعاتتى جاقسى كورەتىن تۋريستەر ءۇشىن جاڭا ءقوناقۇي جوباسىن جاسادى. تابيعات اياسىنداعى ءقوناقۇي مارسەل قالاسى ماڭىندا ورنالاسقان.
ءقوناقۇيدىڭ قابىرعالارى تولىعىمەن ءمولدىر ەكو-پلاستيكتەن جاسالعان. بۇندا تۋريستەردىڭ ورمانداعى جاسىل جەلەكتى بولمەدەن شىقپاي-اق تاماشالاپ، ەكولوگيالىق تازا ورتادا دەمالۋىنا بار مۇمكىندىك جاسالعان.
قوناقۇيدەگى ءاربىر بولمە ءمولدىر كاپسۋلا تۇرىندە جاسالعان. بۇل «كاپسۋلانىڭ» ىشىنە كرەسلو، توسەك پەن لامپالى ۇستەل قويىلعان.
اۋا اعىسىن رەتتەيتىن كليمات باقىلاۋ جۇيەسى دە ىسكە قوسىلعان. سونداي-اق قوناقتار تۇندە ءپورتاتيۆتى تەلەسكوپپەن اسپان الەمىن تاماشالاي الادى.
ەكولوگيالىق ءقوناقۇي جازدا سالقىن، قىستا جىلى. ءقازىر ءقوناقۇيدىڭ جاڭا تۇرىنە جەر-جەردەگى تۋريستەر قىزىعۋشىلىق تانىتىپ وتىرعان كورىنەدى.
ازىرلەگەن دانا قامشىبەك
