قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي اقتوبەدە «ناركەسكەن تىلمەن جىر ەتەم، ماڭگىلىك ەلدىڭ مۇراتىن» اتتى رەسپۋبليكالىق اقىندار ايتىسى ءوتتى، - دەپ حابارلايدى Qamshy.kz.
اقتوبەنىڭ جاستار سارايىندا وتكەن جىر دوداسىنا رينات زايىتوۆ، ايبەك قالييەۆ، رۇستەم قايىرتاي، مۇحتار نيازوۆ، ەرشات قايبولدين، ورازبەك قيىنبايەۆ، ماقسات احانوۆ، تاعى باسقا اقىندار قاتىستى.
قازىلار الققاسىنىڭ شەشىمىمەن رەسپۋبليكالىق جىر دوداسىنىڭ سىيلىق قورى 3 ميلليون تەڭگە بولاتىن باس جۇلدەسىن شۇعايىپ سەزىمحان ۇلى جەڭىپ الدى.
شۇعايىپ سەزىمحان ۇلى موڭعوليانىڭ بايان-ولگەي ايماعىندا تۋعان. تۇركىستاندا جوعارى ءبىلىم العان. ايتىس ارىستانى بەكارىس شويبەكوۆتىڭ شاكىرتى. ءقازىر ايتىس اقىندارى مەن جىرشى-تەرمەشىلەر حالىقارالىق وداعىنىڭ قىزمەتكەرى.
