استاناداعى بەيبىتشىلىك جانە كەلىسىم سارايىندا ق ر ۇلتتىق بانكىنىڭ «قازاقستان تاۋەلسىزدىگىنە 25 جىل: ۇلتتىق ۆاليۋتا» اتتى كونفەرەنسياسى ءوتىپ جاتىر. ءىس-شارا بارىسىندا ۇلتتىق بانك ءتوراعاسى دانيار اقىشيەۆ تاۋەلسىزدىكتىڭ 25 جىلدىعىنا وراي ەلباسى بەينەلەنگەن 10 مىڭدىق سۋۆەنيرلىك بانكنوت پەن مونەتالاردى تانىستىردى. جاڭا بانكنوتتار وسى جىلدىڭ 1 جەلتوقسانىندا شىعارىلادى، دەپ حابارلايدى «قامشى» پورتالى.

تاۋەلسىزدىكتىڭ 25 جىلدىعى قارساڭىندا ۇلتتىق بانك مەملەكەت باسشىسى نۇرسۇلتان نازاربايەۆ بەينەلەنگەن جاڭا 10 000 تەڭگەلىك بانكنوتتى تانىستىردى. جاڭا بانكنوت بىرەگەي تەحنولوگيامەن جاسالعان. وندا ءومىر اعاشى، ساقتار داۋىرىنەن بۇگىنگى كۇنگە دەيىنگى تاريحتى جيناقتاۋ بەلگىسى رەتىندە جاسالعان قورعانىش ەلەمەنتتەرى بەينەلەنگەن.

سونداي-اق، جاڭا تەڭگەدە بەيمەتالدىق گالاگرامما، سيمۆولدىق بەينەلەر ارقىلى كورسەتىلگەن استانانىڭ پانورامالىق بەينەسىندەگى قورعانىش ەلەمەنتتەرى، فاكسيمەلە ويۋلانعان سۋرەت كورسەتىلگەن. ال جاڭا 5 مىڭ تەڭگەلىك مونەتا برۋس ساپاسىمەن دايىندالعان 925 سىناما كۇمىستەن جاسالعان بىرەگەي مونەتا. جاڭا مونەتا ماڭگىلىك ەل يدەياسىنىڭ قۇندىلىقتارىن سيپاتتايدى. مونەتانىڭ بەت جاعىندا قازاق ەلى مونۋمەنتىنىڭ سۋرەتى بەينەلەنگەن. سونىمەن قاتار، مونەتادا قازىرگى قازاقستاننىڭ كارتاسى اياسىندا ءار ۇلت وكىلدەرىنىڭ ۇلتتىق كيىمدەرى بەينەلەنگەن. 5 مىڭ تەڭگەلىك مونەتا التىندالعان كۇنشىعىس بەينەسىمەن اشەكەيلەنگەن. ونىڭ سالماعى 777، 5 گرام.

دانيار اقىشيەۆ جاڭا مونەتانىڭ قاشان شىعارىلاتىنىن اتاپ ءوتتى.

«تاۋەلسىزدىكتىڭ 25 جىلدىعىنا ارنالعان 10 مىڭدىق سۋۆەنيرلىك بانكنوت جانە 5 تەڭگەلىك مونەتا شەكتەلگەن تيراجبەن 2016 جىلدىڭ 1 جەلتوقسانىنان قولدانىسقا شىعارىلادى»، - دەدى ءتوراعا.

ايتا كەتەيىك، بۇگىن بەيبىتشىلىك جانە كەلىسىم سارايىندا ق ر ۇلتتىق بانكىنىڭ «قازاقستان تاۋەلسىزدىگىنە 25 جىل: ۇلتتىق ۆاليۋتا» اتتى كونفەرەنسيا وتۋدە. ماڭىزدى جيىنعا مەملەكەتتىك حاتشى گۇلشارا ءابدىقالىقوۆا قاتىسىپ جاتىر.