تۇرىك اكادەمياسىنىڭ پرەزيدەنتى، «ەگەمەن قازاقستان» گازەتىنىڭ باسشىسى دارحان ءقىدىرالى ءازىربايجان ۇلتتىق عىلىم اكادەمياسى نيزامي اتىنداعى ءتىل جانە ادەبيەت ينستيتۋتىنىڭ قۇرمەتتى دوكتورى اتاندى. بۇل تۋرالى ول Facebook-تە ءبولىستى. سالتاناتتى ءراسىم بۇگىن باكۋدە وتكەن ءى تۇركولوگيا كونگرەسىنىڭ 90 جىلدىعىنا ارنالعان جيىندا بولعان. قۇرمەتتى دوكتور ديپلومىن تاپسىرعان نيزامي ينستيتۋتىنىڭ ديرەكتورى يسا گابيببەيلى قازاق عالىمىنا تۇركى دۇنيەسىندەگى رۋحاني بايلانىستاردى دامىتۋ جولىنداعى ەڭبەگى ءۇشىن العىس ايتىپ، شىعارماشىلىق تابىس تىلەدى.

ايتا كەتسەك، تۇركولوگيا عىلىمىنىڭ ماماندارى وسىدان 90 جىل بۇرىن باكۋدە باس قوسىپ، تۇركىتانۋ عىلىمدارىنىڭ زاڭدىلىقتارى بويىنشا، تۇركى ادەبيەتى، تۇركى ءتىلى، تۇركى تاريحى بويىنشا وتە ماڭىزدى شەشىمدەر قابىلداعان بولاتىن. العاشقى كونگرەسس 1926 جىلى ءوتتى. وعان قازاقستاننان الاش قايراتكەرى احمەت بايتۇرسىن ۇلى قاتىسقان بولاتىن.

وسى جىلدىڭ ءساۋىر ايىندا بۇل اتاق قازاق اقىنى ءارى قوعام قايراتكەرى ولجاس سۇلەيمەنوۆكە بەرىلگەن بولاتىن.