پاۆلوداردا تۋعان قىزىن اياۋسىز ۇرىپ-سوققان نۇرگۇل دوكۋوۆانى انالىق قۇقىنان ايىرۋعا قاتىستى سوت وتىرىسى باستالدى. العاشقى پروسەسكە قورعاۋشىسىز، ءبىراق تۋىستارىمەن كەلگەن كەلىنشەك سوتقا بۇرىنعى كۇيەۋىنەن ءجيى تاياق جەگەنىن جەتكىزىپ، ءوزىن اتا-انا قۇقىنانا ايىرماۋدى ءوتىندى.

بۇل تۋرالى كتك ارناسى حابارلايدى.

34 جاستاعى دوكۋوۆانىڭ ايتۋىنشا، بۇعان بۇرىنعى كۇيەۋىنىڭ تۋىستارى ارانداتقان. سونداي-اق، كەزىندە كۇيەۋىمنەن تاياق جەدىم دەگەن كەلىنشەك، ول دا بالاعا قول كوتەرەدى دەگەن ءۋاج كەلتىردى. ال، ونىڭ بۇرىنعى كۇيەۋىنىڭ ادۆوكاتى بولسا، كىشكەنتاي ءايليندى اكەسى باعۋى ءتيىس دەيدى وتىر. سەبەبى، ءبۇلدىرشىن وسى ۋاقىتقا دەيىن اناسىن ءبىر رەت تە سۇراماعان. ياعني، ونى ۇمىتقىسى كەلەدى ەكەن. ەسكە سالا كەتسەك، ءۇش جاسار قىزىن ۇرىپ-سوعىپ، ونىسىن ۆيدەوعا تۇسىرگەن كەلىنشەكتىڭ ارەكەتى قوعامدا شۋ شىعارعان. وقيعادان سوڭ، قالالىق ءبىلىم ءبولىمى دوكۋوۆانى انالىق قۇقىنان ايىرۋ تۋرالى ارىز تۇسىرگەن بولاتىن. سونداي-اق، بالاعا كورسەتكەن قاتىگەزدىگى ءۇشىن قوزعالعان قىلمىستىق ىسپەن پوليسيا اينالىسۋدا.

گۇلباقىت بەجانوۆا، ەرمۇرات قاسىموۆتىڭ ادۆوكاتى:

-بالا ءۇش اپتادان بەرى اناسىن بىردە-بىر رەت ىزدەگەن ەمەس. ياعني، ول وزىمەن بولعان سول جايتتى ۇمىتقىسى كەلەتىن سياقتى. ال اناسى ونى كورگىسى كەلەتىنىن ايتىپ، بالاباقشاعا دا كەلگىسى كەلدى.ءبىراق،ءايليننىڭ اكەسى بۇعان كەلىسپەدى. ول سۇمدىق وقيعادان كەيىن قىزىن ءوزى تاربيەلەپ، بۇرىنعى ايەلىن اتا-انا قۇقىعىنان ايىرعىسى كەلەدى.