مەديسينا دامىعان قازىرگى زاماندا نارەستەلەر نەگىزىنەن پەرزەنتحانادا دۇنيەگە كەلەدى. ءبىراق كەيبىر ۇلتتاردا ايەلدى بوساندىرۋعا قاتىستى وزىندىك سالتتارى بولعان ەكەن.
اعىلشىن مونارحياسىندا بۇرىنعى زاماندا ايەلدى كوپشىلىكتىڭ كوزىنشە بوساندىرۋ ادەتى بولىپتى. مونارح ايەلى 70 ادامعا دەيىن جينالاتىن قالىڭ توپتىڭ الدىندا تۋۋعا ءماجبۇر بولعان. بۇل تاق مۇراگەرىنىڭ ءدال وسى اۋلەتتىڭ وكىلى ەكەنىن دالەلدەۋ ءۇشىن قابىلدانعان ادەت بولسا كەرەك.
سابيگە سۋ بۇركۋ
افريكادا جاڭا تۋعان ءسابيدىڭ ۇستىنە سۋ بۇركىپ ۇشىقتايتىن ادەت بۇگىنگە دەيىن ساقتالعان. بۇل نارەستەنى زۇلىم كۇشتەردەن قورعاۋ ءۇشىن جاسالادى ەكەن. ءۇندىستانداعى ماحاراشتا شتاتىندا 15 مەتر بيىكتەگى عيباداتحانادان نارەسەتەنى تومەنگە لاقتىرۋ ءداستۇرى بار.
نارەستەنى لاقتىرۋ
جالعىز بوسانۋ
بوسانۋعا قاتىستى ىرىمدار
شوتلانديادا ۇيدەگى بارلىق دوربا، قاپ اتاۋلىنىڭ اۋزىن اشىپ تاستايتىن سالت ساقتالعان. بۇل ەلدە ايەل كيىمدەرىندەگى باۋ، بەلدىك اتاۋلىنى اعىتىپ تاستايدى.
قىتايدا بوساناتىن ايەلدىڭ جانىنا جابىق قولشاتىر قويادى.
ەۆرەيلەر تولعاق قيىن بولعان جاعدايدا حرامداردىڭ ەسىگىن اشىپ تاستايدى.
ەجەلگى سلاۆياندار ايەلى بوساناتىن ءۇيدىڭ بارلىق ەسىك-تەرەزسىن اشىپ، بەلدىكتى اعىتىپ، باۋلاردى بوساتادى.
الەم حالىقتارىندا ايەلدىڭ بوساناتىن كۇنىن الدىن الا حابارلاماۋ ىرىمى بۇگىنگە دەيىن ساقتالعان. دۇنيەگە كەلەر ءسابي مەن ونىڭ اناسىنا زۇلىم كۇشتەر جاۋىقپاس ءۇشىن وسىنداي ادەت قالىپتاسقان.
سونداي-اق بالا تۋعانعا دەيىن ءسابي كيىم-كەشەگىن ساتىپ الماۋ ىرىمى كەيبىر حالىقتاردا ساقتالعان. ءبىراق بالا تۋىلعان سوڭ جايالىق ىزدەپ ابىگەرگە تۇسپەۋ ءۇشىن جورگەكتەردى الدىن الا دايىنداپ قوياتىنى بەلگىلى. ءبىراق نارەستە كيىمىن باسقا ەمەس، ايەلدىڭ اناسى العانى دۇرىس سانالادى. وعان قوسا نارەستەگە تيەسىلى زاتتاردى بوتەندەرگە كورسەتپەگەن دۇرىس.
ايعانىم ءبىرتۋار
