ۇلتتىق كومپانيالار مەن مەملەكەتتىڭ يەلىگىندەگى xولدينگتەر جاڭاجىلدىق كورپوراتيۆتەردەن باس تارتۋدا. بۇل تۋرالى "قازاقپارات" تىلشىسىمەن بولعان اڭگىمەدە Orda FM ارناسىنداعى "ليگا دجەنتلمەنوۆ" شوۋىنىڭ راديوجۇرگىزۋشىسى، تانىمال شوۋمەن، "1show.kz" event كومپانياسىنىڭ پرەزيدەنتى ازامات يماشيەۆ ءمالىم ەتتى.

ونىڭ ايتۋىنشا، ءقازىر مەملەكەت ءۇشىن قيىن تۇستا، وتاندىق كومپانيالار جاڭاجىلدىق ساۋىق-سايرانعا ەمەس، ەلىمىزدىڭ ەگەمەندىگىنە 25 جىل تولۋىنا ارنالعان ءتۇرلى شارالارعا كوپ ءمان بەرۋدە. "سامۇرىق-قازىنا"، "قازاقستان تەمىر جولى"، "قازمۇنايگاز" كومپانيالارىنا xابارلاسقانىمىزدا، ولار كومپانيا بيۋدجەتىنەن جاڭاجىلدىق كورپوراتيۆتەردى وتكىزۋگە قاراجات قاراستىرىلماعانىن xابارلادى. "قازاقستاندىق كومپانيالار ءقازىر جاڭاجىلدىق كورپوراتيۆتەرگە مۇلدەم دايىندالىپ جاتقان جوق. كومپانيالاردىڭ بەلسەندىلىگى وتە تومەن، سەبەبى بيىل قازاقستان ءوز تاۋەلسىزدىگىنىڭ 25 جىلدىعىن اتاپ وتەدى. كورپوراتيۆتەرگە تاپسىرىس بەرۋ، ارتىستەردى تاڭداۋ، مەرەكەنىڭ تۇجىرىمداماسىن دايىنداۋ جەلتوقساندا باستالۋى ىقتيمال. ءبىراق ونىڭ ءوزى كۇماندى. ءبىزدىڭ ەل ءۇشىن 16 جەلتوقسان وتە ماڭىزدى داتا بولعاندىقتان، استانادا، ايماقتاردا ەشقانداي جاڭاجىلدىق دايىندىقتار بايقالىپ جاتقان جوق. ەل ەگەمەندىگىنىڭ 25 جىلدىعى قالاي ايتساق تا، بارلىعىمىز ءۇشىن دە وتە ەلەۋلى وقيعا"، - دەيدى ازامات. ال مەملەكەتتىك ەمەس، دەربەس شاعىن كومپانيالار، جەكە بيزنەس جاڭاجىلدىق كورپوراتيۆتەر ءۇشىن مەيرامxانالارداعى بوس ورىندارعا وسى باستان تاپسىرىس بەرۋدە. "جەكە كومپانيالار ۇجىمى قازىردەن قامدانىپ جاتىر. 23-24 جەلتوقسان كۇندەرى ەرەكشە سۇرانىسقا يە. رەستورانداردىڭ باسىم بولىگى ورىندارىن ساتىپ ۇلگەردى. بۇل جەكە مەنشىك كومپانيالار عانا ەكەنىن اتاپ وتكىم كەلەدى"، - دەپ اتاپ ءوتتى تانىمال شوۋمەن.

دەگەنمەن ولاردىڭ ءوزى داعدارىس كەزىندە كوپ شىعىنعا باتپاي-اق، مەيرامدى ارزانعا وتكىزۋگە تىرىسادى ەكەن. "جاڭا جىلدىق كورپوراتيۆتى وتكىزۋ شامامەن 300 مىڭ تەڭگەدەن باستالادى. ءقازىر ارتىستەرى شاقىرۋ دا ازايدى. بۇرىنعىداي مەيرامدى بەلگىلى ءبىر تاقىرىپقا ارناپ، گولليۆۋد مانەرىندە ۇيىمداستىرۋ وزەكتى ەمەس. بيىل جەلتوقسانعا ءارتىس جالداعان كومپانيالار مۇلدەم جوق. ءار كومپانيادا وزدەرىنىڭ تالانتتارى بار. ءبولىم قىزمەتكەرلەرى جەكە-جەكە سەناريي دايىنداپ، ءبىرى ءان ايتسا، ەكىنشىسى مۋزىكالىق اسپاپتاردا وينايدى، ەندى كەلەسىلەرى كۇلكىلى قويىلىم ۇيىمداستىرادى"، - دەپ ءتۇيدى ءسوزىن ازامات يماشيەۆ. كەي كەزدەرى ۇجىم اياز اتا مەن اقشاقاردى شاقىرتۋدىڭ ورنىنا، ءبولىم باستىعىن اياز اتا، ال ونىڭ كومەكشىسىن اقشاقار قىلىپ كيىندىرىپ شىعارۋدى ءجون كورەدى ەكەن. بۇل كومپانيا قاراجاتىن ۇنەمدەپ قانا قويماي، ارىپتەستەردىڭ كوڭىلىن كوتەرەدى.