بۇگىن  وليمپيادا  چەمپيونى، ايگىلى بوكسشى  سەرىك  ساپييەۆتىڭ وتباسىندا  ۇلكەن قۋانىشتى وقيعا  بولدى. بوكسشى  ءۇشىنشى  رەت اكە  اتانىپ، ءۇشىنشى رەت قىزدى بولدى. تاڭەرتەڭنەن  باستاپ،  تەلەفونىنا  تىنىشتىق بەرمەي،  دوستارى،  تۋىستارى قۋانىشىنا  ورتاقتاسىپ،  قۇتتىقتاپ  جاتقان  كورىنەدى. ونىڭ ايتۋىنشا،  ءسابيدىڭ دەنى ساۋ، ال ەسىمى تۋرالى ءالى ويلانباپتى.

   - مەن ءالى بالانىڭ بويى مەن سالماعى  تۋرالى  ەشتەڭە ايتا المايمىن. ءبىراق، ساۋ ەكەنىن بىلەمىن. باستىسى، امان-ەسەن دۇنيەگە كەلگەنىنە قۋانىپ تۇرمىن، - دەيدى ول.  "ۆەستي" سايتىنا  بەرگەن سۇحباتىندا. -   بالا سانىن  5- كە دەيىن جەتكىزۋگە بولادى، ارينە. ەندى ءىز  جالعار  ۇل  بالانىڭ دۇنيەگە  كەلۋىن ارماندايمىن. ءبىراق، ۇل بولسىن،  قىز  بولسىن امان  بولسا بولعانى. باستىسى،  وسى - دەيدى ول.