اتىراۋلىق انار اتتى كەلىنشەك شەتەل ازاماتىنا تۇرمىسقا شىعىپ، قارىزعا بەلشەسىنەن باتقان. "ءسۇيدىم، كۇيدىم" دەپ قازاق قىزىنىڭ ارتىنان قالماي، جۇرەگىن جاۋلاپ العان پاكىستاندىق ازاماتتىڭ بار ويلاعانى قازاقتانعا ەمىن-ەركىن كىرەتىن قۇزىرى بار قۇجات بولىپ شىققان. كۇيەۋىنە دەپ ءۇش نەسيە الىپ بەرگەن ايەل، رەداكسيامىزعا ارنايى حات جازىپ كومەك سۇراپتى.  ءۇندى ەلىنىڭ ۇلتتىق كيىمىن "اتا-انام" بەرىپ جىبەردى دەپ، سىيعا تارتقان پاكىستاندىق ازامات قازاق قىزىنىڭ جۇرەگىن وسىلاي جاۋلاي باستاپتى. جاستاردىڭ اراسىنداعى تانىستىق تا تاماشا باستالعان. انار اپكەسىنىڭ ءۇيىن جالعا بەرمەك بولىپ حابارلاما جازعانى سول ەكەن، شەتەلدىك ازامات كەلىپ، تۇرۋعا نيەت بىلدىرەدى.

انار يفتيحار:

ناماز وقيدى، اراق ىشپەيدى. بالاممەن ءتىل تابىسىپ، بالام ارقىلى ماعان دا جاقسى قارىم-قاتىناستا بولدى. ءبىراز ۋاقىتتان سوڭ،  ەڭبەك ۆيزاسىن الۋعا ەلىنە كەتكەن ازامات كۇزدە قايتا ورالادى. ءبىراق قازاقستانعا قۇجاتسىز كەلگەن جىگىت، كۇتپەگەن جەردەن انارعا دەگەن كوڭىلىنىڭ بار ەكەنىن بىلدىرەدى. كوپ ۇزاماي تۋعان-تۋىستارىنىڭ اق باتاسىن العان قازاق قىزى، قولىنا نەكە ساقيناسىن تاعىپ، پاكىستاندىق ازاماتتىڭ جارى بولىپ شىعا كەلەدى. ءتىپتى فاميلياسىن دا اۋىستىرادى. وتباسىلىق ءومىردىڭ قىزىعى باستالدى ما دەگەن شاقتا، كۇيەۋ جىگىت جاڭا ۇسىنىس تاستايدى.  بۇل شەتەل ازاماتتارىنا بەس جىل كولەمىندە قازاقستان شەكاراسىنا ۆيزاسىن ەمىن-ەركىن وتۋگە ءارى تۇراقتى مەكەن-جاي الۋعا جول اشاتىن قۇجات.

  كوپ ۇزاماي، انار كۇيەۋىنىڭ قۇجاتتارىن راسىمدەۋ ءۇشىن ءوز اتىنان ءۇش نەسيە الىپ بەرەدى.  بۇل ارالىقتا ايەلىنە جىلى سوزدەردى جاۋدىرىپ جۇرگەن جىگىت، كوپتەن كۇتكەن قۇجاتى قولعا تيىسىمەن ەلىنە بارىپ كەلمەككە سىلتاۋ ىزدەي باستايدى.

ءبىر ايدان سوڭ، انار "مەن سەنىمەن اجىراسامىن"  دەگەن مازمۇنداعى حات الادى. وسىدان سوڭ، انار شەتەلدىك ازاماتتىڭ قازاقتىڭ قىزىنا ۇيلەنۋدەگى ماقساتىن تۇسىنگەندەي بولادى. ال ارتىنان اتىراۋعا قايتا ۇشىپ كەلگەن شەتەلدىك كۇيەۋ قازاقتىڭ قىزىمەن زاڭ تۇرعىسىنان نەكەسىن بۇزۋدى ويلايدى. اقىرى بيىلعى جىلدىڭ اقپانىندا جۇپ اجىراسىپ تىنادى. ءبىراق كۇيەۋىنە دەپ العان ءۇش نەسيەنى انار ءالى كۇنگە تولەپ كەلەدى. الداپ كەتكەن ول زاڭ تۇرعىسىندا جازاسىن الۋ ءۇشىن قۇزىرلى ورگاندارعا  شاعىم دا تۇسىرەدى. سوت تىڭدالىمدارى دا باستالعان. ءبىراق بۇرىنعى كۇيەۋى كەلمەي، قايتا - قايتا كەيىنگە شەگەرىلەتىن سوتتان اناردىڭ ءۇمىتى ۇزىلگەن.

ال اناردىڭ ايتۋىنشا، پاكىستاندىق ازامات كاسىپتەرى بار وزگە تانىستارىمەن ءقازىر اتىراۋدا ەمىن-ەركىن ءجۇر. ءبىراق يفتيحار مىرزانى تاپپادىق.

31.kz