دەنيس تەن قازاق-بريتان تەحنيكالىق ۋنيۆەرسيتەتىنىڭ ستۋدەنتى بولدى. بۇل تۋرالى سپورتشى تۆيتتەردەگى ءوزىنىڭ پاراقشاسىندا جاريالادى، - دەپ حابارلايدى Tengrinews.kz.
ول "بۇگىننەن باستاپ مەن قازاق-بريتان تەحنيكالىق ۋنيۆەرسيتەتىنىڭ ستۋدەنتىمىن. ۋرا!"، - دەپ جازعان. دەنيس تەننىڭ اناسىنىڭ ايتۋىنا قاراعاندا، ول "اقپاراتتىق جۇيە" ماماندىعى بويىنشا وقىپ، "ساندىق مەدياتەحنولوگيالاردى" مەڭگەرەتىن بولادى. سونداي-اق ونىڭ ايتۋى بويىنشا، وسى جىلى دەنيس تەن سپورت جانە تۋريزم اكادەمياسىنىڭ دايارلاۋ جانە بىلىكتىلىگىن ارتتىرۋ بولىمىندە دايىندىق فاكۋلتەتىن بىتىرگەن. مانەرلەپ سىرعاناۋشى 12 ماۋسىمدا ديپلومىن الادى.
ەسكە سالايىق، دەنيس تەن سوچيدەگى وليمپيادا ويىندارىندا قازاقستان قۇراماسىنىڭ ساپىندا قولا جۇلدەنى جەڭىپ العان جالعىز سپورتشى. وليمپيادادان كەيىن ول "قۇرمەت" وردەنىمەن ماراپاتتالعان. سونىمەن قاتار الماتى قالاسىنىڭ اكىمى احمەتجان ەسىموۆ دەنيسكە Chevrolet Cruze اۆتوكولىگىنىڭ كىلتىن بەردى. ودان بولەك دەنيس تەن "جىل سپورتشىسى" بايقاۋىندا "قارقىندى سپورتشى" نوميناسياسىن جەڭىپ الدى.
