الماتىداعى «باراحولكادا» ءورت قاۋىپسىزدىگىن ساقتاماعان بازارلار جابىلادى

/uploads/thumbnail/20170708152749683_small.jpg

الماتى قالاسىنىڭ توتەنشە جاعدايلار دەپارتامەنتى ءورت قاۋىپسىزدىگىن بۇزعان 25 لاۋازىمدى جانە 21 زاڭدى تۇلعانى اكىمشىلىك جاۋاپكەرشىلىككە تارتىپ، ولارعا 1 ملن 300 مىڭ تەڭگە ايىپپۇل سالدى. بۇل تۋرالى بۇگىن وتكەن بريفينگتە الماتى قالالىق تجد مەملەكەتتىك ءورت باقىلاۋ ءبولىمىنىڭ باسشىسى ايدوس نۇسىپبايەۆ ءمالىم ەتتى، دەپ حابارلايدى BNews.kz ءتىلشىسى.

«2013 جىلى الماتى قالاسىنىڭ سولتۇستىك اينالما جول كوشەسىندە ورنالاسقان 26 بازاردىڭ بارلىعىن تەكسەرىپ، ءورت قاۋىپسىزدىگىن بۇزعانداردى اكىمشىلىك جاۋاپكەرشىلىككە تارتتىق. بۇعان قوسا، 25 لاۋازىمدى جانە 21 زاڭدى تۇلعا اكىمشىلىك جاۋاپكەرشىلىككە تارتىلىپ، ولارعا 1 ملن 300 مىڭ تەڭگە ايىپپۇل سالىندى. بارلىق 26 بازاردىڭ جۇمىسىن توقتاتۋ تۋرالى تالاپتار الماتى قالالىق اۋدانارالىق ەكونوميكالىق سوتىنا جىبەرىلدى»، - دەيدى ايدوس نۇسىپبايەۆ. 2013 جىلى بەرىلگەن سوت تالاپتارى ءالى جارامدى، الايدا، ولار ورىندالعان جوق دەيدى دەپارتامەنت ماماندارى. ءورت قاۋىپسىزدىگىن قالپىنا كەلتىرمەگەن بازارلاردىڭ جۇمىسى سوت تارتىبىمەن توقتاتىلادى.

Bnews.kz

الماتىداعى «باراحولكادا» ءورت قاۋىپسىزدىگىن ساقتاماعان بازارلار جابىلادى

قاتىستى ماقالالار