ەۋروپالىق كوميسسيانىڭ سايتىنا DDoS شابۋىل جاسالدى، دەپ حابارلايدى La Libre Belgique اتالمىش ورگاننىڭ قولدا بار ىشكى قۇجاتتارىنا سىلتەمە جاساي وتىرىپ.

قازاقپارات اۋدارىپ تاراتقان اقپارات بويىنشا، «كيبەرشابۋىل» تۋرالى اقپاراتتى ەۋروكوميسسيانىڭ وكىلى مارگاريتيس سحيناس تا راستاعان. وقيعا 24 قاراشا، بەيسەنبى كۇنى كۇندىز بولعان.  وسى شابۋىلدىڭ سالدارىنان ەۋروكوميسسيانىڭ ينتەرنەت سايتىنا ايتارلىقتاي زيان كەلگەن. سحيناستىڭ سوزىنشە، اتالمىش «شابۋىلدىڭ» سالدارىنان ينتەرنەت-بايلانىستار ناشارلاپ، ەۋرووداقتىڭ اتقارۋشى ورگانىنىڭ ۆەب-سايتىنا كىرۋ جانە قىزمەتكەرلەردىڭ ينتەرنەتپەن جۇمىس ىستەۋ مۇمكىندىگىن شەكتەلگەن. الايدا، سحيناستىڭ سوزىنشە، «شابۋىل» توقتاتىلدى. قانداي دا ءبىر قۇپيا مالىمەتتەردىڭ ۇرلانۋ جاعدايى تىركەلمەگەن. ال، «كيبەرشابۋىلدىڭ» قايدان جاسالعاندىعى تۋرالى كوميسسيا وكىلدەرى ەشتەڭە ايتپاي وتىر.

DDoS شابۋىل - بۇل تەحنولوگيا كوبىنەسە «سەرۆيسكە قىزمەت كورسەتۋدەن باس تارتۋ» (DDoS) دەپ اتالادى. DDoS شابۋىلى نىساناعا العان ۆەب-سايتتى ونىڭ سەرۆەرىنە اقپاراتتى جالعان سۇراتۋ ارقىلى قايتا جۇكتەۋ جولىمەن قۇرتادى. بۇل جالعان سۇراۋلار ۆيرۋستەرمەن، يا ءقاۋىپتى باعدارلامالارمەن ساپاسى تومەندەپ كەتكەن كومپيۋتەرلەردەن (نەمەسە «بوتنەت») جىبەرىلەدى. زەرتتەۋشىلەردىڭ سوزىنە قاراعاندا، ەڭ ۇلكەن DDoS شابۋىلدار مىڭداعان كومپيۋتەرلەردەن تۇراتىن بوتجەلىلەردەن جىبەرىلەدى.

 ەگەر فيلتراسيا ءتاسىلى ادەتتە ءبىر مەملەكەتتىڭ اۋماعىندا «قارا تىزىمگە» ەنگەن ۆەب-سايتتاردى بەلگىلى ءبىر پروۆايدەرلەر ءۇشىن جاۋىپ قوياتىن بولسا، DDoS شابۋىل ۆەب-سايتتى بەلگىلى ءبىر ۋاقىتقا دەيىن مۇلدەم بۇعاۋلاپ تاستايدى.