بۇگىن بۇكىل الەمدى تاڭداندىرعان جاعداي ورىن الدى. فەيسبۋك الەۋمەتتىك جەلىسى ۋاقىتشا ءوز جۇمىسىن دوعاردى. بارشا ادامدار باسقا Twitter، ۆكونتاكتە سياقتى الەۋمەتتىك جەلىلەردە فەيسبۋكتىڭ جۇمىسى توقتاعانى تۋرالى الەمگە جار سالدى.

ءيا، ءبىز تۇسكى اسقا كەتىپ قالعاندا فەيسبۋك ءوز جۇمىسىن توقتاتىپ، بۇكىل جۇرتتى ابدىراتىپ تاستاعان ەكەن. الەۋمەتتىك جەلىگە ەنۋگە تىرىسىپ كوردىك، ءبىراق اشىلمادى. سوسىن Twitterء-دى اشىپ قارادىم. اشا سالا كوزىم «فەيسبۋك قۇلادى» دەگەن مازمۇنداعى تۋيتتەر ارقىلى فەيسبۋك جۇمىسىن توقتاتقانىن ءبىلدىم.

وسى ۋاقىتقا دەيىن ەش جەردە فەيسبۋك جاھاندىق دەڭگەيدە ءوشىپ قالماعان ەدى. تاياۋدا تۇركيادا Twitter، سونىمەن قاتار، باسقا دا مۇسىلمان ەلدەرىندە Youtobe.com سياقتى تانىمال ءىرى الەۋمەتتىك جەلىلەر مەن تانىمدىق سايتتار ءوز جۇمىسىن دوعارعان ۋاقىتتا بۇگىنگىدەي دۇرلىگۋ بولعان جوق.

WorldPay تولەم جۇيەسىنىڭ ەسەپتەۋى بويىنشا، الەمدىك الپاۋىت الەۋمەتتىك جەلى ءوز جۇمىسىن توقتاتقان 25 مينۋت ىشىندە قانشا قارجىدان قاعىلعانىن ەسەپتەپ ۇلگەردى، كومپانيا 376،3 مىڭ اقش دوللارى كولەمىندەگى پايدادان قۇر قالعان ەكەن.

WorldPayء-دىڭ ستاتيستيكاسىنا جۇگىنسەك، ءدال قازىرگى ۋاقىتتا Apple، Microsoft جانە Google سىندى كومپانيالار مىڭداعان دوللار تاۋىپ جاتىر. الدىمەن WorldPayء-دىڭ قالاي جۇمىس جاساپ، ءىرى-ىرى كومپانيالاردىڭ تاپقان پايداسىن قالاي ەسەپتەيتىنى تۋرالى ايتا كەتەيىك. WorldPay ءوزى زەرتتەيتىن ءاربىر كومپانيانىڭ 2013 جىلى، ياعني وتكەن جىلى تاپقان جالپى قارجىسىن ەسەپتەپ، سوسىن ونى سەكۋندتارعا ءبولىپ شىعادى.

كەز-كەلگەن ادام مىنا سىلتەمە ارقىلى https://www.worldpayzinc.com/tech-wealth/ Apple جانە دە باسقا ءىرى كومپانيالاردىڭ قانشا ۋاقىتتا قانشا پايدا تاباتىنى تۋرالى بىلە الادى.

2004 جىلدان بەرى قولدانىستا كەلە جاتقان فەيسبۋك بۇگىن ياعني 2014 جىلدىڭ 19-ماۋسىمى كۇنى جۇمىسىن 25 مينۋتقا توقتاتتى. وسى ۋاقىت ارالىعىندا مارك سۋكەربەرگ ويلاپ تاپقان الەۋمەتتىك جەلى 376،3 مىڭ دوللاردان قۇر قالعان.

Apple ءبىر مينۋتتا $70 مىڭ كولەمىندە اقشا تابادى. وعان باسەكەلەس بولۋ تەك ازيالىق Samsung كومپانياسىنىڭ قولىنان كەلەدى. ودان كەيىنگى ورىندى Google الىپ تۇر.

تانىمال كومپانيالاردىڭ 1 مينۋتتا جانە 30 مينۋتتا قانشا پايدا تاباتىنى تومەندەگى سۋرەتتە جاقسى كورسەتىلگەن.