2020 جىلعا دەيىن ەلوردا توڭىرەگىنە 100 مىڭ گەكتار ورمان وتىرعىزىلادى. بۇل تۋرالى كەشە استانانىڭ جاسىل بەلدەۋىن ارالاعان ەلباسى نۇرسۇلتان نازاربايەۆ ايتتى دەپ حابارلايدى "قازاقپارات".
«بارلىعى دا بۇل اعاشتار مۇندا وسپەيدى دەپ ساناعان ەدى. بۇل جەر جارامسىز، تۇزدى دەگەندەر دە بولدى. ءبىراق، ءبىزدىڭ ورمانشىلار مەن عالىمداردىڭ بىرلەسىپ دۇرىس ءادىس تابۋى، ءتيىستى كوشەتتەردى ىرىكتەۋى ناتيجەسىندە، جايقالعان ورمان ءوسىپ كەلە جاتىر»، - دەدى مەملەكەت باسشىسى ەلورداعا تاقاۋ تۇستاعى «جاسىل ايماق» رمك قىزىلجار ورمان شارۋاشىلىعىن ارالاۋ بارىسىندا.
ق ر پرەزيدەنتىنىڭ اتاپ وتۋىنشە، قازىرگى تاڭدا بۇل ورمان القابىندا 70 مىڭ گەكتار اۋماققا اعاش ەگىلگەن.
«2020 جىلعا دەيىن 100 مىڭ گەكتار جەرگە اعاش وتىرعىزىلادى. ايتا كەتەرلىگى، بۇل ەكسپو-2017 كورمەسىن وتكىزۋمەن بايلانىستى»، - دەدى ن. نازاربايەۆ.
