قازاقستان پارلامەنتىنىڭ قوس پالاتاسى - ءماجىلىس پەن سەنات بۇگىن، 30 ماۋسىم كۇنى ءۇشىنشى سەسسياسىنىڭ جۇمىسىن قورىتىندىلاپ، قىركۇيەك ايىنا دەيىن دەمالىسقا شىقتى.

ءماجىلىس باسپا ءسوز قىزمەتىنىڭ حابارلاۋىنشا، ءۇشىنشى سەسسيا جۇمىسى كەزىندە پارلامەنت 154 زاڭ جوباسىن قاراعان. ولاردىڭ 114ء-ىن ۇكىمەت، 11ء-ىن دەپۋتتاردىڭ وزدەرى ۇسىنعان. پارلامەنت بارلىعى 104 زاڭ جوباسىن ماقۇلداپ، ونىڭ 80-ىنە پرەزيدەنت قول قويعان.

پارلامەنتتىڭ ءۇشىنشى سەسسياسىندا ماقۇلدانىپ، كۇشىنە ەنگەن زاڭدار اراسىندا"جول ءجۇرىسى تۋرالى" زاڭ، ءۇي مەن كولىك سالىعىنا قاتىستى تۇزەتۋلەر مەن وزگەرىستەر،كاسىپوداق تۋرالى زاڭ بار. قۇقىق قورعاۋشىلار بۇل زاڭداردىڭ كەيبىرىن ادام قۇقىقتارىن شەكتەيدى دەپ، پرەزيدەنتتەن ولارعا قول قويماۋدى سۇراعان ەدى.

پرەزيدەنتكە قول قويۋعا جىبەرىلگەن زاڭ جوبالارى اراسىندا قىلمىستىق، قىلمىستىق-پروسەسسۋالدىق، اكىمشىلىك كودەكستەرى دە بار.

azattyq.org