ۇلتتىق ءداستۇر مەن ۇلتتىق قۇندىلىقتى ساقتاۋ جولىندا ەل بولىپ جۇمىلا كۇرەسىپ جاتىرمىز. ۇلتتىق استى اتاسىنان قالعانداي كورىپ جۇرگەن «بەش»-تەردىڭ دە مەسى باسىلدى ايتەۋ. ءبىرىن باسىپ ءبىرىن تۇزەپ جاتقاندا ءبىرى قىلتيىپ شىعا كەلدى. ەلىمىزدە ەكستروكورپورالدى ۇرىقتاندىرۋ (ەكۇ) ورتالىقاترى جۇمىس ىستەيدى. ولاردىڭ سانى – قازىرگە 13. جان سانىن كوبەيتۋ ەل ءۇشىن پايدالى ءىس بولعان كۇننىڭ وزىندە، ۇرىقتاندىرۋ ارقىلى ۇرپاقتىڭ سانىن كوبەيتكەنمەن ساپاسىن جاساي الامىز با؟ «الاش ايناسى» وسى سۇراقتىڭ جاۋابىن ىزدەۋ بارىسىندا، ەكۇ ورتالىعىنىڭ جۇمىسىنا زەرتتەۋ ساراپتاماسىن جاساپ ەدى. ناتيجەسىندە ۇرىقتانعان ۇرپاق جەتىلگەنىمەن جەتى اتاسىن بىلمەيتىن بولىپ شىقتى. دالىرەك ايتساق، جاساندى ۇرىقتاندىرۋ ورتالىقتارى دونور ەركەكتەردىڭ جەتى اتاسىن تەكسەرمەيدى ەكەن. ول جونىندە «ەكومەد» ادام ۇرپاعىن ءوربىتۋ ەمحاناسىنىڭ جەتەكشىسى، رەپرودۋكتولوگ-ەمبريولوگ، بيولوگيا عىلىمىنىڭ دوكتورى سالتانات بايقوشقاروۆا دا ايتىپ بەردى،-دەپ وتىر tengrinews.kz. ۇرپاق تاربيەسىنە دەگەن ساباقتاستىقتى جوعالتپاۋ ءۇشىن بۇگىننەن باستاپ تاربيە بەرۋ كەرەك. دەنى ساۋدىڭ جانى ساۋ. اتادان الىنباعان دەرت جوق. ەمىن تاۋىپ، ەبىن كەلتىرۋ ەندىگى پارىز بولىپ قالماق. ايتپەسە، ەرتەڭ بارماق تىستەپ قالامىز...

مارعۇلان اقان