بۇگىنگى مەرەكەگە ارناپ وسى تاريحي سۇرەتتى ءجاريالاعىم كەلدى!
بۇرىنعى جىلدارى تويلاعان استانانىڭ كۇنىنە قاراعاندا، بيىل ماڭىزىن ەرەكشە سەزىنىپ وتىرمىز! نەگىزگى ستراتەگيالىق ماعىناسى ەندى الدىمىزدان شىقتى. ەل وردانى اقمولاعا اۋىستىرۋدى كوپ ازاماتتار تۇسىنبەدى، قارسى بولدى. الماتىدا بارلىق جاعداي جاسالعان، بىلىكتى، ءبىلىمدى قىزمەتكەرلەر بارلىعى سوندا. كۇن جىلى، عيماراتتار دايىن. ايدالاعا اپارۋ، كۇنى سۋىق، توقتامايتىن جەل ... ول جاققا كىم بارادى دەپ و
يلادى ءبىراز ادام. ءدال سولاي وبلىستاردى نەگە قوستى دەگەن سۇراق قويىلدى. دەگەنمەن كوپشىلىك تولىق يدەياسىن تۇسىنبەسەدە ورتاق شەشىمگە توقتادى. بۇگىنگى گەوساياسي جاعدايعا قاراپ - كەزىندە دۇرىس جاسالعان ەكەن، كورەگەندىك شەشىم ، ستراتەگيالىق كوزقاراس دەپ باعالايمىز. سول كەزدە داۋ داماي شىعارماي ەل اعالارى ورتاق تاريحي شەشىمگە كەلگەنى - كازىرگى مەملەكەتىمىزدىڭ تۇتاستىعىنىڭ كەپىلى. ۇزاعىنان بولسىن! ءقازىر دە كوپ ماسەلەلەردە ستراتەگيالىق ءمان جاتىر. تۇسىنبەيتىن جەرلەرى دە بار. ىشتەي قارسى بولۋىمىز مۇمكىن. دەگەنمەن ەلىمىزدىڭ بولاشاعى ءۇشىن داۋىستاپ ايتقىزباي-اق، ۇزاق مەرزىمدەگى ماقساتىن ءتۇسىنىپ، ءبىر ورتاق شەشىمدەردى قولداۋمىز كەرەك بولىپ تۇرادى. تاكتيكالىق ۇتىلىس بولىپ كورىنگەنمەن - كەيىنگى ستراتەگيالىق ۇتىسقا ارنالعانىن سەزىنۇ كەرەك. ىمدى تۇسىنبەگەندەر - دىمدى تۇسىنبەيدى دەمەي ما؟ ءبىز باقىتتى ۇرپاقپىز! سەبەبى كەرەمەت داۋىردە ءومىر ءسۇرىپ جاتىرمىز - ءبىزدىڭ كوزىمىزشە اتا-بابالارىمىز اڭساعان ەگەمەندى قازاق مەملەكەتى قۇرىلىپ، ءار قايسىمىز ماڭگىلىك ەل بولۋىنا ۇلەسىمىزدى قوسىپ، ەڭبەكتەنىپ جاتىرمىز! سول ماڭگىلىك ەل بولۋ ءۇشىن قاجەت بولسا - ءبىر اۋىزدان قولداپ ، ارامىزعا اراڭداتۋشىلاردى جاقىنداتپاي ءبىر ساپقا، يىق تىرەسىپ تۇرۋ كەرەك. مەرەكەمىزبەن قازاق ەلى!
پىكىر قالدىرۋ