ەلباسى الدا كەلە جاتقان «EXPO-2017» حالىقارالىق كورمەنىڭ ورنالاسۋ نىساندارىنىڭ حال-احۋالىن ءبىلۋ ماقساتىندا «Astana Group» كومپانياسىنىڭ ءتوراعاسى نۇرلان سماعۇلوۆتىڭ جوبانى تانىستىرۋ وتىرىسىنا قاتىستى. وتىرىس كەزىندە جۇرت الدىندا ءسوز العان ن.سماعۇلوۆ ءارتۇرلى نىسانداردى اتاپ كەلىپ، «مەگا-پلازا» اتاۋىن ايتقان كەزدە ەلباسىمىز: - «مەگا» -دان باسقا اتاۋ جوق پا؟ بۇل بارلىق جەردە بار بىرەگەي اتاۋ ەمەس پە،-دەگەن سۇراعىنا ن.سماعۇلوۆ: - بىزدە «نۇر-پلازا» دەيتىن دە ۆاريانت بار. ەگەر ءسىز رۇقسات ەتسەڭىز. «نۇر-پلازا» جاقسى اتاۋ بولارى ەدى، قارسى بەتتە «نازاربايەۆ ۋنيۆەرسيتەتى» بار دەگەندەي... - سەن ءوزىڭ بۇلاي جاعىمپازدانۋدى قايدان ۇيرەنگەنسىڭ؟ - ءومىر ۇيرەتتى! بۇل جاقسى اتاۋ، «نۇرلان» دەگەن ات بارلىق جەردە بار... - وندا «نۇرلان-پلازما» دەپ اتايىق... جاقسى ونى اقىلداسا جاتارمىز.

ەل باسىمەن «Forbes» جۋرنالىنىڭ « قازاقستانداعى 50 باي» ايدارىنا كىرەتىن نۇرلان سماعۇلوۆتىڭ اراسىنداعى وتىرىس ارى قاراي نىسانداردى تالقىلاۋمەن اياقتالدى.