ارداقتى ايتىسسۇيەر اعايىن! ايتىس اقىندارى مەن جىرشى، تەرمەشىلەردىڭ حالىقارالىق وداعىنىڭ ۇيىمداستىرۋىمەن 12 شىلدە كۇنى الماتى قالاسىندا  "ءوز ەلىڭدە سۇلتان بول!" اتتى  رەسپۋبليكالىق الامان ايتىس وتپەك. ايتىس دەسە اۋىزعا اتتارى بىردەن تۇسەتىن تانىمال ايتىسكەرلەردەن ەش كەم تۇسپەيتىن تالانتتارعا ساحنادان ورىن تيمەي جۇرگەنىن بىرەۋ بىلسە، بىرەۋ بىلمەيدى. نەگىزىنەن جاستاردان جاساقتالعان  بۇل ءسوز دوداسىندا وسىلايشا بۋلىعىپ جۇرگەن ءبىراز تالانتتى ونەرپازدار ب ا ق سىناسادى.  ولار:

احمەتوۆ مارات – اقتوبە

ابەنوۆ سايات – استانا

ادىلبەك سىرىم – قىزىلوردا

ءابدىماناپ ۇلى دارحان – تاراز

بيسەنعالييەۆ اينابەك – ورال

ەسەنقۇلوۆ نۇرلان – شىمكەنت

قايبولدين ەرشات – اقتوبە

تاڭجارىق ەرجان  – استانا

ورازباي راحمان – الماتى

سۇلتانحان مەيىربەك – استانا

سادىقبەك اسحات – شىمكەنت

سەكسەنتاي بىلىمبەك – استانا

سەيىتوۆ ايان – شالقار

سەمباي داۋرەن – سەمەي

شۇعاتايەۆ اسپانبەك – پاۆلودار

ءامىروۆ ەرجان - قىزىلوردا 

بۇل ايتىستىڭ ەرەكشەلىگى ءاربىر ايتىسكەر ساحناعا ءوزىنىڭ ۇستازىمەن بىرگە شىعادى. اقىندار ايتىسىپ بولعان سوڭ اۋەلى تورەلىك ايتۋ ۇستازدارعا بەرىلەدى. قازاقتىڭ داستۇرىمەن قامشى تاستاۋ ارقىلى ۇستازدار  ءوز پىكىرلەرىن ءبىلدىرىپ، شاكىرتى جەڭگەن، نە جەڭىلگەنىن دالەلدەۋگە قۇقىعى بار. ەكى جاقتىڭ ۇستازدارى دا ءبىر شەشىمگە كەلە الماسا وندا تورەلىك ايتۋ قازىلار القاسىنا بۇيىرادى. قازىلار القاسىندا بەلگىلى قالامگەر-جۋرناليستتەر وتىرادى دەپ كۇتىلۋدە. ايتىسقا دەمەۋشى بولىپ، قوماقتى جۇلدە تىگىپ، ۇلتتىق ونەرگە جاناشىرلىق تانىتىپ وتىرعان بەلگىلى مەسەناتتار ءومىرزاق سارسەنوۆ پەن قۇسايىن وماروۆ ەكەندىگىن ايتا كەتكەن ارتىق بولماس.

تۇلپار تالانتتاردىڭ تۇساۋكەسەر ساتىنە بىرگە كۋا بولايىق، ارداقتى ايتىس جاناشىرلارى!

كەلىڭىزدەر، كورىڭىزدەر!

ايتىستى جۇرگىزەتىن: اقىن، م. ماقاتايەۆ اتىنداعى سىيلىقتىڭ يەگەرى، ق ر ەڭبەك سىڭىرگەن قايراتكەر ءجۇرسىن ەرمان

وتەتىن ورنى: الماتى قالاسىنداعى  ستۋدەنتتەر سارايى

وتەتىن ۋاقىتى: 12 شىلدە، ساع. 15-00 - دە. 

abai.kz