سەمەي تۇرعىنى ءوزىنىڭ ءتىرى ەكەندىگىن سوتتا دالەلدەۋگە تۋرا كەلدى دەپ حابارلايدى tengrinews.kz

45 جاستاعى ەر ادام تەمىرجول ەمحاناسىنا كەلگەندە، وعان قۇجات بويىنشا  1 جىل بۇرىن ءولى ادامداردىڭ قاتارىنا كىرگەنىن ايتقان. قوستاناي وبلىسىنداعى فەدوروۆ اۋىلىندا  تۇراتىن ايەل ولدىگە سانالعان ەر ادامنىڭ قايتىس بولعانى تۋرالى مەديسينالىق انىقتاما سۇراتقان. وندا 1 جىل بويى ولىلەردىڭ قاتارىندا جۇرگەن ادامنىڭ ءاتى-جونى، تۋعان جىلى، جسن، مەكەن-جايى كورسەتىلگەن.

«دارىگەرلەر مەنىڭ قايتىس بولعانىم تۋرالى ايتقاندا ەسەڭگىرەتىپ قالدىم. ماعان حقو بارۋعا كەڭەس بەردى. 45 جاسقا تولۋىما وراي جەكە كۋالىگىمدى دە  اۋىستىرۋىم قاجەت ەدى. وندا دا مەنىڭ دەرەكتەرىمدى ءوشىرىپ تاستاعانىن جەتكىزدى. قۇجات بويىنشا مەن 2015 جىلدىڭ 24 شىلدەسىندە قايتىس بولعان ەكەنمىن» دەيدى ەر ادام.

وتكەن جىلدىڭ 24 شىلدەسىندە قوستاناي وبلىسىندا ونىمەن اتتاس اندروسوۆ اندرەي نيكولايەۆيچ قايتىس بولعان ەكەن. تەك ول  جىلى ەمەس، 1974 جىلى تۋىلعان.  

«مەن ولگەن ادامداردىڭ قاتارىنا ەنگەن ۋاقىتتا، وتباسىممەن تايلاندتا دەمالىپ جۇرگەنمىن. ءوزىم تۋرالى كۇتپەگەن جاڭالىقتى ەستىگەندە، قوستانايلىق ايەلمەن حابارلاستىم. ول مورگتان كۇيەۋىنىڭ ولگەنى تۋرالى انىقتامانى الۋ بارعان.قولىندا كۇيەۋىنىڭ جەكە كۋالىگى بولماعان ەكەن. تەك كوشىرمەسى. ءاتى-جونىمىز سايكەس كەلگەن دە ءدال وسىنداي جاعدايعا اكەپ سوققان» دەيدى اندرەي نيكولايەۆيچ.

ول سوتقا جۇگىنىپ، 6 قاڭتاردا ونىڭ ءولىمى تۋرالى شەشىمدى جويۋ تۋرالى قاۋلىنىڭ شىعۋىن كۇتىپ ءجۇر.