قازاقستاننىڭ ۇلتتىق كومپانيالارى جەكە قولعا وتپەك. 50 اسا ءىرى كاسىپورىندار ساتىلادى دەپ حابارلايدى «ktk.kz». ونىڭ ىشىندە «قازاقستان تەمىر جولى»، «قازمۇنايگاز» جانە «ەير استانا» بار. بۇل ءتىزىمدى ۇلتتىق ەكونوميكا مينيسترلىگى جاريالادى.

مەملەكەتتىك حولدينگتەردى ساتۋدى وتكەن جىلدىڭ اياعىندا باستاعانىمەن، تولىق ءتىزىمدى جاريالاماعان. ەندى كەز-كەلگەن ادام «كازاتومپروم»، «قازاقستان عارىش ساپارى»، «كازاحاۆتودور»، «قازپوچتا»، «قازاقتەلەكوم»، «تۇرعىن ءۇي جيناق بانكى»، «ەير استانا» جانە «Qazaq Air» ساتىپ الا الادى. مەملەكەتتىڭ مەنشىگىندەگى 800 نىساندى جەكە قولعا بەرۋ جوسپاردا. ولاردى اشىق اۋكسيونداردا نەمەسە قور نارىعىندا ساتاتىن بولادى.

باحىت سۇلتانوۆ، ق ر قارجى ءمينيسترى: «بۇل - مەملەكەتتىڭ ەكونوميكاداعى قاتىسىن تومەندەتۋ ءۇشىن كەرەك. جەكە باستاما بار جەردەن مەملەكەت كەتۋ كەرەك. قازىرگى تاڭدا 78 ميلليارد تەڭگەگە باعالاناتىن 235 اكتيۆتەرىمىز ساتىلدى».