بەلگىلى سىقاقشى، جۋرناليس 65 جاسقا كەلگەن قازاق مايتالمانى كوپەن امىربەك جاقىندا ۇلدى بولدى دەپ حابارلايدى juldyz.kz

ادامنان جاسىرعانىڭمەن، اللادان جاسىرا المايسىڭ. بۇل قۇپيا دۇنيە ەمەس، ءتىپتى توي جاساۋ كەرەك. مۇندايدا ءبىزدىڭ قاريالار «قۇدايدىڭ بەرگەنى» دەپ بوركىن اسپانعا لاقتىراتىن. ءبىر بالانىڭ زارىنە زار بولىپ جۇرگەن قانشاما شاڭىراق بار. شۇكىر، مەن بالانىڭ زارى ءوتىپ جۇرگەن ادام ەمەسپىن. ءبىراق شەشەم ون بالا تۋعان، التىن قۇرساقتى باتىر انا. بۇرىنعى جىلى 85 جاسىندا دۇنيەدەن ءوتتى. ون بالانىڭ تۇلا بويى تۇڭعىشى مەن ەدىم. «بالالى ءۇي بازار» دەيدى، بازارلى جەرگە ۇيرەنىپ قالعانمىن. ءسويتىپ 65 جاسقا كەلگەندە ۇلدى بولدىم. قۋانىش دەگەن ۇلىم، ساعىنىش اتتى قىزىم بار. بالالارىمنىڭ شەشەسى بولەك بولعانىمەن، اكەسى ءبىر. ەكى باۋىردىڭ اراسى ءبىر بولسىن، ۇيقاسىپ تۇرسىن دەگەن نيەتپەن ءسابيدىڭ ەسىمىن - جۇبانىش قويدىم. كەلىنشەگىمنىڭ ۇلدى بولاتىنىن تۇسىمدە كورگەنمىن. «سارى بالا تۋاسىڭ» دەپ ايتقانمىن، سولاي بولدى. ايتسە دە، ءاربىر سۇرىنگەنىمدى باقىتسىزدىق دەپ سانامايمىن. بالكىم، مەنىڭ شىن باقىتىم سول جەردەن باستالاتىن شىعار. «ءبىرىنشى العان ايەلىڭ - جەڭىپ العان تۋمەن تەڭ، ەكىنشى العان ايەلىڭ - سۇراپ ىشكەن سۋمەن تەڭ» دەگەندى كىم قالاي تۇسىنەدى؟ توقالدى توق ادام الادى. مەنىكى توقتىق ەمەس. تاعدىر. جازمىش. قاسيەتتى حاديسكە قۇلاق تۇرسەڭىز وي تاستايدى. «قانداي ايەل جاقسى ايەل؟ كۇيەۋى نەنى جاقسى كورە، سونى جاقسى كورەتىن ايەل - جاقسى ايەل. كۇيەۋى نەنى جەك كورسە، سونى جەك كورگەن ايەل - جاقسى ايەل»، - دەيدى بەلگىلى سىقاقشى.