لەنينگراد وبلىسىنىڭ  زاڭنامالىق جينالىسىنىڭ دەپۋتاتى ۆلاديمير پەتروۆ دجوان روۋلينگتىڭ گارري پوتتەر جايلى كىتاپتاردىڭ سەرياسىن مەكتەپ باعدارلاماسىنا ەنگىزۋدى ۇسىنىس ءبىلدىردى.

پروەكتتى ءبىلىم جانە عىلىم ءمينيسترى ولگا ۆاسيليەۆاعا تالقىعا سالۋعا بەرىپ وتىر.

«زاماناۋي جاستاردىڭ كىتاپ وقۋعا قۇلقى جوق. بۇل، ارينە، قازىرگى زاماننىڭ ەڭ ۇلكەن پروبلەماسى.

«جەتكىنشەكتەرگە قىزىق بولاتىن كىتاپتاردى ۇسىنعان دۇرىس. ءقازىر بەس-التىنشى سىنىپتا «فانتاستيكا» بولىمىندە رەي برەدبەري مەن الەكساندر بەليايەۆتىڭ كىتاپتارىن وقىتىپ جاتىر. ءبىراق ولار 70-80 جىل بۇرىن شىققان. ءبىزدىڭ بالالار وتكەن كۇننەن تىم الشاق كەتىپ قالدى»، – دەيدى پەتروۆ.

دەپۋتات روۋلينگتىڭ كىتاپتارى وقۋشىلاردى زاماناۋي ادەبيەتكە قىزىعۋشىلىقتارىن تۋدىرادى دەپ سانايدى.

«گارري پوتتەردىڭ كىتابىندا دوستىقتىڭ الۋان تۇرلىلىگى جانە ساتقىندىقتىڭ قاۋىپتىلىگىمەن قوسا، بالالار مەن اتا-انالاردىڭ اراسىنداعى قارىم-قاتىنىس كورسەتىلگەن» دەپ ءسوزىن جالعادى.