«قازپوچتا» اق جانە ۋنيۆەرسيادا ديرەكسياسى ءوزارا سەرىكتەستىك پەن “الماتى قالاسىنداعى 2017 جىلعى 28ء-شى دۇنيەجۋزىلىك قىسقى ۋنيۆەرسيادا» تاقىرىبىنداعى ارنايى پوشتالىق ماركانىڭ اينالىمعا ەنگىزىلگەنىن حابارلايدى.

ماركاعا ءمور باسۋ سالتاناتى كەشە ۋنيۆەرسيادانىڭ «الماتى ارەنا» اتتى جاڭا عيماراتىندا ءوتتى. ءىس-شارا بارىسىندا «EMS-Kazpost» 2017 جىلعى ۋنيۆەرسيادانىڭ رەسمي كۋرەرى بولاتىندىعى جاريالاندى.

ماركاعا ءمور باسۋ سالتاناتىنا الماتى قالاسىنداعى 2017 جىلعى 28ء-شى دۇنيەجۋزىلىك قىسقى ۋنيۆەرسيادانى ۇيىمداستىرۋ جانە وتكىزۋ ديرەكسياسىنىڭ جەتەكشىسى نايل نۋروۆ جانە «كازپوچتا» اق-نىڭ «EMS-Kazpost» فيليالىنىڭ ديرەكتورى ەركينبەك دۋسكۋجانوۆ قاتىستى.

«ءبىز 2017 جىلدىڭ دۇنيەجۇزىلىك قىسقى ۋنيۆەرسياداسىنىڭ رەسمي كۋرەرى «قازپوچتا» اق-نىڭ «EMS-Kazpost» فيليالى بولعانىن قۋانا حابارلايمىز. ديرەكسيامىزدىڭ كوررەسپوندەنسياسىن الەم بويىنشا عانا ەمەس، سونىمەن قاتار ەلىمىزدىڭ كەز-كەلگەن تۇرعىلىقتى مەكەنىنە جەتكىزە الاتىن كومپانيانى تاڭداۋ ءبىز ءۇشىن وتە ماڭىزدى. الدىمىزدا قويىلعان ماقساتتارىمىزعا «EMS-Kazpost» تولىعىمەن سەيكەس كەلەدى. سونىمەن قاتار، بۇل كومپانيا ەستافەتا الاۋىنا كەرەكتى ءىرى گاباريتتى جۇكتى تاسىمالدايدى. «قازپوچتا» ارامىزداعى سەرىكتەستىكتىڭ ناتيجەسىندە، بۇگىن ءبىز الماتى قالاسىنداعى 2017 جىلعى 28ء-شى دۇنيەجۋزىلىك قىسقى ۋنيۆەرسياداعا ارنالىپ شىعارىلعان پوشتالىق ماركالارعا ءمور باسۋ سالتاناتىنىڭ كۇاگەرلەرىمىز. ايرىقشا ءىس-شارالارعا وراي ارنايى ماركا شىعارۋ، سول ءىس-شارانىڭ ەل ءۇشىن ماڭىزدىلىعىن كورسەتەدى» - دەپ ۋنيۆەرسيادا ديرەكسياسىنىڭ جەتەكشىسى نايل نۋروۆ اتاپ ءوتتى.

«ءبىز 2017-جىلعى ۋنيۆەرسيادانىڭ رەسمي كۋرەرى بولۋ ۇسىنىسىن قۋانا قابىلدادىق. سپورت دەگەنىمىز - قوزعالىس، جىلدامدىق جانە ەڭبەكقورلىق، وسىنىڭ بارلىعى ءبىزدىڭ جۇمىسقا دا ۇقساس. ءبىزدىڭ قىزمەتكەرلەرىمىز سالەمدەمەلەردى ساپالى جانە بارىنشا تەز جەتكىزۋگە تىرىسىپ، ەڭ ۇلكەن جۇلدەگە، ياعني كليەنتتىڭ ريزالىعىنا كۇندەلىكتى تالپىنادى.

وسى سەرىكتەستىكتىڭ بارىسىندا ءبىز شەت مەملەكەتتەرگە 1000-نان استام سالەمدەمەلەردى جەتكىزەمىز، ال قازاقستان بويىنشا 10 توننا شاماسىنداعى ءىرى گاباريتتى جۇك تاسىمالدايمىز. سونىمەن قاتار، ءبىز تاۋارلار مەن باسقا دا قۇندىلىقتاردى ساقتاۋعا ارنالعان 500 شارشى مەترلىك قويمانى پايدالانۋعا بەرەمىز» - دەپ ەركينبەك دۋسكۋجانوۆ، «كازپوچتا» اق-نىڭ «EMS-Kazpost» فيليالىنىڭ ديرەكتورى ءبولىستى.

“الماتى قالاسىنداعى 2017 جىلعى 28ء-شى دۇنيەجۋزىلىك قىسقى ۋنيۆەرسيادا» تاقىرىبىنداعى «سپورت» توپتاماسىنداعى پوشتالىق بلوكتىڭ ماركاسى 4 بوياۋلى وفسەتتى تاسىلمەن باسىلعان، پەرفوراسياسى جاقتاۋلى. بلوكتىڭ ولشەمى 90 ح 100 مم. ماركانىڭ ولشەمى  28 ح 40 مم. تارالىمى – 7 500 بلوك. سۋرەتشى  ك. پلۋجنيكوۆا. بەلگىلەنگەن باعاسى 300 تەڭگە. پوشتالىق ماركالار «قازاقستان رەسپۋبليكاسى ۇلتتىق بانكىنىڭ بانكنوت فابريكاسى» رەسپۋبليكالىق مەملەكەتتىك كاسىپورنىندا باسىپ شىعارىلدى.