اقش پرەزيدەنتتىك سايلاۋىندا جەڭىپ شىققان دونالد ترامپ The Celebrity Apprentice رەاليتي-شوۋىنىڭ اتقارۋشى پروديۋسەرى بولادى دەپ حابارلايدى ريا. ول NBC تەلەارناسىندا ەكى ايلىق ۇزىلىستەن كەيىن 2 قاڭتاردا كورەرمەنگە جول تارتادى. جۇرگىزۋشىسى – ارنولد شۆارسنەگەر.
2004 جىلى ترامپ NBC ارناسىندا شىعاتىن «وقۋشى» اتتى رەاليتي-شوۋىنىڭ جۇرگىزۋشىسى ءارى اتقارۋشى پروديۋسەرى قىزمەتىن اتقارعان. سونداي-اق كوپ جىلدار بويى The Celebrity Apprentice شوۋىن جۇرگىزدى.
ترامپتىڭ ەسىمى باعدارلاما جۇرگىزۋشى مارك بەرنەتتەن كەيىن ەكراندا شىعاتىن بولادى. ولاردان كەيىن ارنولد شۆارسنەگەردىڭ اتى اتالادى. ول دا شوۋدىڭ اتقارۋشى پروديۋسەرى.
ترامپتىڭ جاڭا تەلەشوۋدا جالاقىعا جۇمىس ىستەۋى مۇددەلەر جانجالىن تۋىنداتۋى مۇمكىن.
ترامپ اكىمشىلىگىنىڭ ۋاكىلى دجەيسون ميللەر پرەزيدەنت سايلاۋىندا جەڭىسكە جەتكەن دونالد ترامپ ءوزىنىڭ اقش كومپانياسىنداعى اكسياسىن ماۋسىم ايىندا ساتىپ جىبەرگەنىن ايتقان. ونداعى ماقسات – مۇددەلەر جانجالىن بولدىرماۋ.
