ەۋرو وداق، ەۋرو پارلامەنت جانە ەۋرو كوميسسيا، ۋكراينا مەن گرۋزيا ازاماتتارىنا ۆيزاسىز رەجيم ورناتۋ جوسپارىنا قاتىستى كەلىسىمگە قول قويدى دەپ حابارلايدى ەۋرو وداقتىڭ باسپا ءسوز قىزمەتى.  

قوس تاراپ توتەنشە جاعداي كەزىندە ۆيزاسىز رەجيمدى ۋاقىتشا توقتاتۋعا ۋاعدالاستى. بۇل ماسەلەنى كەلىسۋدىڭ قاجەتتىلىگى ۆيزا قاعيدالارىن جۇمسارتۋ ماسەلەسى كەشەۋىلدەۋىمەن ءتۇسىندىردى.

ەۋرو وداق كەڭەسى مۇنداي مەحانيزمدى ۋكراينا مەن گرۋزيا ازاماتتارىنا الدىن-الا ۆيزانى بولدىرماۋ شارتتارى ءۇشىن تالاپ ەتكەن. ەۋرو وداققا مۇشە ەلدەردىڭ بىرىندە نەمەسە بىرنەشەۋىندە كوشى-قون داعدارىسى تۋىنداسا، بريۋسسەل ءوز قالاۋىمەن نەمەسە بىرلەستىك ەلدەرى وسى شارانى ىسكە قوسا الادى.

سارسەنبى كۇنى  ۆيزانى توقتاتۋ تۋرالى كەلىسىمگە كەلگەن. وعان ەۋرو پارلامەنت داۋىس بەرىپ، ەۋرو وداق كەڭەسى رەسمي تۇردە راستاۋ قاجەت.

2015 جىلدىڭ جەلتوقسان ايىندا ەۋرو كوميسسيا، ۋكراينا مەن گرۋزيا ەۋرو وداق ەلدەرىنە ۆيزاسىز كىرۋى ءۇشىن بارلىق شارتتاردى ورىندادى دەپ مالىمدەگەن ەدى. كييەۆ پەن تبيلي ەكى ەلدىڭ ازاماتتارىنا ۆيزاسىز رەجيمدى جىلدىڭ اياعىنا دەيىن ەنگىزەدى دەپ ۇمىتتەنەدى.  

ەۋرو وداققا مۇشە ەلدەردەگى بوسقىندارمەن بولعان داعدارىس وداق  كوشباسشىلارىن 45 ميلليون ۋكرايندىق پەن گرۋزيا ازاماتتارىنا ۆيزاسىز رەجيمدى ورناتۋ تۋرالى ماسەلە ويلاندىردى. ونىڭ ۇستىنە گرۋزيا حالقى تەك 5 ميلليون ادامدى عانا قۇرايدى.

ۋكراينا پرەزيدەنتى پەتر پوروشەنكو بريۋسسەلدەن كەلگەن جاعىمدى حاباردى جوعارى باعالادى.