ول: «قازاقستان تاۋەلسىزدىك الدى دەپ ەستىگەندە قۋانباعان قازاق جوق، تىماعىمىزدى اسپانعا لاقتىرىپ ەدىك» دەيدى. ول عارىشقا ۇشقاندا دا قۋانباعان قازاق جوق. «قازاقتان دا ءبىر عارىشكەر تۋدى-اۋ!» دەگەن ماقتانىش كەرنەگەن جۇرەكتەر ونىڭ عارىش-ساپارىن اڭىزعا اينالدىردى، دەپ حابارلايدى Baq.kz.  ءتىپتى، قازاقتان شىققان تۇڭعىش عارىشكەردىڭ جەرگە ورالۋى مەن قازاق ەلىنىڭ تاۋەلسىزدىك الۋىن كوسموستىق بايلانىسقا بالايتىندار دا جوق ەمەس.

ال ول بولسا 1986 جىلى جەلتوقساندا جانىن قيعان، جاسىن توككەن، جاستىعىن بەرگەن، قاجىر-قايراتىن جۇمساعان ۇل-قىزدارىمىزدى، تاۋەلسىزدىك جولىندا تاپتالعان نامىستار مەن توگىلگەن اردى ۇمىتۋعا بولمايدى دەيدى.

قازاقتان شىققان تۇڭعىش عارىشكەر، ۇشقىش، كەڭەس وداعىنىڭ باتىرى (1988)، قازاقستان رەسپۋبليكاسىنىڭ حالىق قاھارمانى (1995)، تەحنيكا عىلىمىنىڭ دوكتورى (1998)، پروفەسسور (1997)، قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ قۇرمەتتى پروفەسسورى توقتار وڭعارباي ۇلى اۋباكىروۆ قازاقستان حالقىن تاۋەلسىزدىكتىڭ 25 جىلدىق مەرەيتويىمەن قۇتتىقتادى.