تەرروريزم بويىنشا ايىپتالعاندار 10-نان 14 جىلعا دەيىن باس بوستاندىعىنان ايىرىلدى، - دەپ حابارلايدى Tengrinews.kz اۋدانارالىق قىلمىستىق ىستەر جونىندەگى مامانداندىرىلعان سوت زالىنان. ولار جازاسىن قاتاڭ تارتىپتەگى كولونيادا وتەيدى.

سەگىز ادام "تەرروريستىك ۇيىم قۇرۋ، جەتەكشىلىك ەتۋ جانە مۇشە بولۋ"، "قارۋ نەمەسە جارلىعىش زاتتاردى زاڭسىز ساتىپ الۋ، ساقتاۋ، تاسىمالداۋ جانە الىپ ءجۇرۋ" بويىنشا ايىپتى دەپ تانىلدى. سۋديا قايرات قاسىموۆ ۇكىمدى جاريا ەتۋ كەزىندە سوتتالۋشىلاردىڭ ايىبى جينالعان دالەلدەر مەن سوتتالۋشىلاردىڭ وزدەرى بەرگەن كۋالىكتەرى نەگىزىندە دالەلدەنگەنىن ايتتى. 

سوت شەشىمىمەن باۋىرجان سپامبەت جانە ەرلان ۇسەنوۆ 14 جىلعا، دۋمان ۇسەنوۆ، قايىپ ۇسەنوۆ جانە كەڭەس تاشمۇحامەتوۆ 12 جىلعا، مۇرات ماحمۇتوۆ 11 جىلعا قاتاڭ رەجيمدەگى تۇزەۋ كولونياسىنا، باقىتجان ابدىقوشيەۆ جانە نۇربول قىلىشبايەۆ 10 جىلىن جالپى رەجيمدەگى تۇزەۋ كولونياسىندا وتەيدى. بارلىق سوتتالۋشىنىڭ مۇلكى تاركىلەنەدى.

سوتتالۋشىلاردىڭ تۋىستارى اپپەلياسيالىق شاعىم تۇسىرەتىنىن مالىمدەدى.