دوپينگ داۋىنا ىلىككەن سپورتشىلار ەلىمىزدى الەم الدىندا تاعى ءبىر ماسقارالادى. سەبەبى، قازاقستان رۇقسات ەتىلمەگەن دارىلەردى ەڭ كوپ قولداناتىن مەملەكەتتەردىڭ دۇنيە ءجۇزى بويىنشا قارا تىزىمىندە ەكىنشى ورىندا تۇر دەپ حابارلادى seykhuninfo.kz.
امەريكالىق "Fox Sport» تەلەارناسى جاساعان كەستەنىڭ باسىندا رەسەي تۇر. تەرىسكەيدەگى كورشىلەر دوپينگ داۋىنان كەيىن بىردەن 19 وليمپيادا مەدالىن كەرى قايتارىپ بەرگەن. ال ودان كەيىنگى ورىنعا 9 جۇلدەسىنەن ايىرىلعان قازاقستان ورنالاسىپتى. ءتىزىمدى ارى قاراي بەلارۋس، ۋكراينا، ارمەنيا جالعاستىرادى. تەلەارنا مالىمەتىنشە دوپينگتى ەڭ كوپ قولداناتىن سپورتشىلار قاتارىنا زىلتەمىرشىلەر، جەڭىل اتلەتتەر مەن بالۋاندار جاتادى ەكەن. ماسەلەن، بيىلدىڭ وزىندە يليا يلين باستاعان ءبىر توپ اۋىر اتلەتتەر مەن وزگە دە سپورتشىلارىمىز بەيجىڭ مەن لوندوندا جەڭىپ العان مەدالدارىن قايتارىپ بەرۋى ءتيىس دەگەن شەشىم قابىلداندى.
پىكىر قالدىرۋ